News February 19, 2026
చైనా రోబో డాగ్ వివాదం.. క్షమాపణలు చెప్పిన గల్గోటియాస్
చైనా <<19173893>>రోబో డాగ్<<>> తమ ఆవిష్కరణగా చెప్పుకుని విమర్శలపాలైన గల్గోటియాస్ యూనివర్సిటీ క్షమాపణలు తెలిపింది. ‘రోబో డాగ్ సాంకేతిక మూలాల గురించి మా ప్రతినిధికి తెలియదు. కెమెరా ఎదుట ఉత్సాహంతో తప్పుడు సమాచారాన్ని అందించారు. ఈ ఆవిష్కరణపై తప్పుదోవ పట్టించడం మా ఉద్దేశం కాదని అర్థం చేసుకోగలరు. నిర్వాహకుల మనోభావాలను అర్థం చేసుకుని మేం ఈ ప్రాంగణాన్ని ఖాళీ చేశాం’ అని ఓ ప్రకటనలో తెలిపింది.
Similar News
News March 17, 2026
BREAKING: పెరిగిన బంగారం, వెండి ధరలు
కొన్ని రోజులుగా తగ్గుతూ వస్తోన్న బంగారం, వెండి ధరలు ఇవాళ కాస్త పెరిగాయి. హైదరాబాద్ బులియన్ మార్కెట్లో 24 క్యారెట్ల 10 గ్రాముల బంగారం ధర రూ.1,200 పెరిగి రూ.1,58,620కు చేరింది. అలాగే 22 క్యారెట్ల 10 గ్రాముల గోల్డ్ రేటు రూ.1,100 ఎగబాకి రూ.1,45,400 పలుకుతోంది. అటు కేజీ వెండి ధర రూ.4వేలు పెరిగి రూ.2,80,000గా ఉంది. తెలుగు రాష్ట్రాల్లోని వివిధ ప్రాంతాల్లో ధరల్లో స్వల్ప తేడాలుండొచ్చు.
News March 17, 2026
జనగణనలో అడిగే ప్రశ్నలివే!
జనగణన-2027లో <<19386795>>భాగంగా<<>> అధికారులు ప్రజల నుంచి 33 ప్రశ్నలకు సమాధానాలను యాప్ ద్వారా సేకరిస్తారు. ముఖ్యంగా ఇంటి యజమాని వివరాలు, సొంతిల్లా/అద్దెదా, నీరు- విద్యుత్ సౌకర్యం, మరుగుదొడ్డి, వంటగ్యాస్, వాహనం, TV& ఫోన్ వంటి కనీస సౌకర్యాల గురించి తెలుసుకుంటారు. అలాగే వ్యక్తిగత వివరాలైన వయసు, లింగం, చదువు, కులం, మతం, మాతృభాష, ఆహార అలవాట్లు, వలస వివరాలు అడుగుతారు. సంక్షేమ పథకాలు అందుతున్నాయో తెలుసుకుంటారు.
News March 17, 2026
పూజా సమయంలో ఏ రంగు దుస్తులు ధరించాలి?
పూజలో మనస్సును ప్రశాంతంగా ఉంచే సాత్విక రంగుల దుస్తులు ధరించడం శ్రేయస్కరం. సానుకూలతనిచ్చే పసుపు రంగు విష్ణుమూర్తికి ప్రీతికరం. తెలుపు పరిశుద్ధతకు, శాంతికి ప్రతీక. శివారాధనలో తెలుపు, శక్తి పూజల్లో ఎరుపు, గులాబీ ధరించడం ఉత్తమం. ఉదయం పూజకు పసుపు, తెలుపు రంగులు ఉత్తమం. అయితే, శని పూజలో మినహా నలుపు నిషిద్ధం. ముదురు నీలం రంగులను కూడా వాడకపోవడమే మంచిది. ఉతికిన శుభ్రమైన కాటన్ దుస్తులకు ప్రాధాన్యత ఇవ్వాలి.