News February 28, 2025
చౌటుప్పల్‌: కండక్టర్‌పై ప్రయాణికుడి దాడి
కండక్టర్‌పై ప్రయాణికుడు దాడి చేసిన ఘటన చౌటుప్పల్‌లో జరిగింది. సీఐ వివరాలు.. పట్టణానికి చెందిన జంగయ్య దిల్‌సుఖ్‌నగర్‌‌లో బస్సు ఎక్కాడు. టికెట్ తీసుకునే క్రమంలో కండక్టర్‌ శ్రీధర్ రెడ్డి చిల్లర లేదని వెనకాల రాసి ఇచ్చాడు. బస్సు దిగగానే ముగ్గురికి కలిపి డబ్బులు ఇవ్వగా జంగయ్య గొడవ పడి క్షణికావేశంలో దాడి చేశాడు. శ్రీధర్ రెడ్డి ఫిర్యాదు మేరకు పోలీసులు కేసు నమోదు చేసుకున్నట్లు సీఐ తెలిపారు.
Similar News
News November 30, 2025
ప.గో.జిల్లాలో 55 బస్సులకు నోటీసులు
పశ్చిమ గోదావరి జిల్లావ్యాప్తంగా పాఠశాల బస్సులపై రవాణా శాఖ అధికారులు శనివారం విస్తృత తనిఖీలు చేపట్టారు. 45 బస్సులను పరిశీలించగా.. నిబంధనలు ఉల్లంఘించిన 55 బస్సులకు నోటీసులు జారీ చేయడంతో పాటు, మూడు బస్సులపై కేసులు నమోదు చేశారు. అలాగే నిబంధనలకు విరుద్ధంగా నడుపుతున్న ఒక బస్సును సీజ్ చేసినట్లు రవాణా శాఖ అధికారి కృష్ణారావు వెల్లడించారు.
News November 30, 2025
నల్గొండ: పంచాయతీ ఎన్నికల్లో కాంగ్రెస్‌కు రెబల్స్ ఫీవర్
నల్గొండ జిల్లాలో తొలిదశ గ్రామ పంచాయతీ ఎన్నికలకు నామినేషన్ల స్వీకరణ పూర్తి కాగా, అధికార కాంగ్రెస్‌‌కి రెబల్ అభ్యర్థుల రూపంలో తొలి దశలోనే పెద్ద తలనొప్పి మొదలైంది. పలు సర్పంచి స్థానాల్లో కాంగ్రెస్ వర్గీయులే పార్టీ అభ్యర్థులకు వ్యతిరేకంగా నామినేషన్లు దాఖలు చేయించడం కలకలం సృష్టించింది. ఒక సర్పంచి స్థానంలో అధికారిక అభ్యర్థితో పాటు, ఇద్దరు రెబల్స్ బరిలోకి దిగడంతో ఆ గ్రామంలో త్రిముఖ పోటీ నెలకొంది.
News November 30, 2025
చాయ్.. పానీ.. కార్యకర్తలతో కలిసి టీ తాగిన మంత్రి పొన్నం
సిరిసిల్ల పర్యటనకు వెళ్లే క్రమంలో మంత్రి పొన్నం ప్రభాకర్ కార్యకర్తలతో కలిసి వేములవాడ నంది కమాన్ వద్ద చాయ్ తాగుతూ పిచ్చాపాటిగా ముచ్చటించారు. ప్రభుత్వ విప్ ఆది శ్రీనివాస్, కాంగ్రెస్ నాయకులు ఆకారపు భాస్కర రెడ్డి, బొమ్మ శ్రీరామ్ చక్రవర్తి తదితరులతో కలిసి స్థానిక కార్యకర్తలతో ముచ్చటిస్తూ ఇక్కడి స్థితిగతులను అడిగి తెలుసుకున్నారు.