News March 5, 2025
జగన్ ప్రజా సమస్యలపై మాట్లాడాలి: గొట్టిపాటి

చిత్తశుద్ధి ఉంటే జగన్ అసెంబ్లీకి వచ్చి ప్రజా సమస్యలపై మాట్లాడాలని మంత్రి గొట్టిపాటి రవి కుమార్ అన్నారు. బుధవారం ఆయన మాట్లాడుతూ.. నాడు టీడీపీకి 23 సీట్లు వచ్చాయని మేము ముసుగు వేసుకుని దాక్కోలేదన్నారు. ధైర్యంగా అసెంబ్లీలో ప్రజా సమస్యలపై పోరాటం చేశామన్నారు. ప్రజా సమస్యలపై పోరాడినందుకే కూటమికి అఖండ మెజారిటీ వచ్చిందని పేర్కొన్నారు.
Similar News
News November 29, 2025
కామారెడ్డి జిల్లాలో 9.7°C అత్యల్ప ఉష్ణోగ్రత

కామారెడ్డి జిల్లాలో గడిచిన 24 గంటల్లో నమోదైన కనిష్ఠ ఉష్ణోగ్రతలను అధికారులు వెల్లడించారు. బొమ్మన్ దేవిపల్లి 9.7°C, బీబీపేట 9.8, నస్రుల్లాబాద్ 9.9, జుక్కల్ 10, బీర్కూర్, లచ్చపేట 10.1, డోంగ్లి 10.2, గాంధారి, సర్వాపూర్, పెద్ద కొడప్గల్ 10.3, రామలక్ష్మణపల్లి, బిచ్కుంద 10.5, పుల్కల్ 10.7, మేనూర్ 10.9, ఎల్పుగొండ, రామారెడ్డి 11, ఇసాయిపేట, పిట్లం 11.3°C ఉష్ణోగ్రతులు నమోదయ్యాయి.
News November 29, 2025
సంగారెడ్డి: నేటి నుంచి ప్రభుత్వ పాఠశాలల పర్యవేక్షణ

జిల్లాలో ఏర్పాటు చేసిన పర్యవేక్షణ టీంలు నేటి నుంచి ప్రభుత్వ ప్రాథమిక, ప్రాథమికోన్నత, ఉన్నత పాఠశాలలను పర్యవేక్షించనున్నట్లు జిల్లా విద్యాధికారి వెంకటేశ్వర్లు తెలిపారు. ఈ బృందాలు పాఠశాలలో విద్యార్థులకు అందుతున్న బోధన, మౌలిక సదుపాయాలు, మధ్యాహ్న భోజనం, విద్యాశాఖ ద్వారా అమలవుతున్న కార్యక్రమాలను పరిశీలించనున్నట్లు డీఈఓ తెలిపారు.
News November 29, 2025
BREAKING: ప్రకాశం: RTC బస్సు – కారు ఢీ

దోర్నాల(M) శ్రీశైలం ఘాట్ రోడ్ లో చింతల వద్ద ఆర్టీసీ సూపర్ లగ్జరీ బస్సు – కారు ఢీ కొన్నాయి. ప్రమాదంలో కారు బోల్తా పడగా అందులో ఉన్న పలువురికి స్వల్ప గాయాలయ్యాయి. దీంతో ఘాట్ రోడ్డులో ట్రాఫిక్ అంతరాయం ఏర్పడింది. దోర్నాల పోలీసులు ట్రాఫిక్ క్లియర్ చేశారు. మరింత సమాచారం తెలియాల్సి ఉంది.


