News February 3, 2025
జగిత్యాలలో కిడ్నాప్ కలకలం

జగిత్యాల చింతకుంట వాడలో పట్టపగలు కిడ్నాప్ ఘటన కలకలం రేపింది. ఇంటి బయట ఆడుకుంటున్న పాపను ఓ జంట ఎత్తుకెళ్లేందుకు ప్రయత్నించగా స్థానికులు వారికి దేహశుద్ధి చేశారు. ఇంటి ముందు ఆడుకుంటున్న పాపకు చాక్లెట్ ఆశచూపి ఎత్తుకెళ్లేందుకు ప్రయత్నించారు. పాప వాళ్లను చూసి ఇంట్లోకి వెళ్లి విషయాన్ని తల్లిదండ్రులకు చెప్పింది. దీంతో తల్లిదండ్రులతో పాటు ఇరుగుపొరుగు వారు వారిని పట్టుకన్నారని స్థానికులు పేర్కొన్నారు.
Similar News
News November 30, 2025
డిసెంబర్ 4,5,6 తేదీల్లో కృష్ణా తరంగ్-2025

కృష్ణా విశ్వవిద్యాలయం ఆధ్వర్యంలో డిసెంబర్ 4,5,6 తేదీల్లో కృష్ణా తరంగ్-2025 వేడుకలను నిర్వహించనున్నారు. ఇందుకు సంబంధించిన గోడ పత్రికలను విశ్వవిద్యాలయం ఉపకులపతి ఆచార్య రాంజీ ఆవిష్కరించారు. రుద్రవరంలోని విశ్వవిద్యాలయంలో 3 రోజుల పాటు వివిధ రకాల అంశాల్లో కల్చరల్ ఈవెంట్స్ను నిర్వహించనున్నట్లు ఆయన తెలిపారు. కార్యక్రమంలో కృష్ణా తరంగ్-2025 కన్వీనర్ ఆచార్య దిలీప్, తదితరులు పాల్గొన్నారు.
News November 30, 2025
వనపర్తి: నామినేషన్ల ఉపసంహరణకు డిసెంబరు 3 గడువు

గ్రామ పంచాయతీ ఎన్నికల్లో భాగంగా తొలి విడత నామినేషన్లు వేసిన అభ్యర్థులు తమ నామినేషన్ల ఉపసంహరణకు డిసెంబరు 3వ తేదీని గడువుగా ఎన్నికల అధికారి ఆదర్శ్ సురభి విధించారు. అదే రోజు మధ్యాహ్నం 3 గంటల తర్వాత బరిలో నిలిచిన అభ్యర్థుల జాబితాను ప్రకటించి, ఎన్నికల గుర్తులను కేటాయిస్తారు. డిసెంబరు 11న పోలింగ్ నిర్వహించి, అదే రోజు మధ్యాహ్నం 2 గంటల నుంచి ఓట్ల లెక్కింపు ఉంటుందని తెలిపారు.
News November 30, 2025
వనపర్తి: 87 గ్రామ పంచాయతీలకు 695 నామినేషన్లు

వనపర్తి జిల్లాలో మొదటి విడతలోని 87 గ్రామ పంచాయతీలకు నామినేషన్ల ప్రక్రియ నిన్నటితో ముగిసింది. మొత్తం 695 సర్పంచ్ నామినేషన్లు దాఖలు అయ్యాయని అధికారులు తెలిపారు. చివరి రోజు ఒక్కరోజే 463 మంది సర్పంచ్ అభ్యర్థులు నామినేషన్ వేశారు. అలాగే, మొదటి విడతలోని 780 వార్డులకు మొత్తం 2,015 వార్డు సభ్యుల నామినేషన్లు దాఖలయ్యాయి.


