News January 29, 2025
జగిత్యాల: ఇంటర్ ప్రాక్టికల్స్ సజావుగా జరిగేలా చూడాలి: అడిషనల్ కలెక్టర్
ఫిబ్రవరి 3 నుంచి జరగనున్న ఇంటర్ ప్రాక్టికల్స్ సజావుగా నిర్వహించాలని అడిషనల్ కలెక్టర్ గౌతమ్ రెడ్డి అధికారులను ఆదేశించారు. వివిధ డిపార్ట్మెంట్స్ డిస్ట్రిక్ట్ ఆఫీసర్స్‌తో బుధవారం జరిగిన సమన్వయ సమావేశంలో ఆయన మాట్లాడారు. పరీక్షల నిర్వహణకు అవసరమైన సహాయ సహకారాలు వివిధ శాఖల అధికారులు అందించాలని పరీక్షల కన్వీనర్ నారాయణ కోరారు. కన్వీనర్ కోరినట్లు అన్ని ఏర్పాట్లు చేయాలని అడిషనల్ కలెక్టర్ ఆదేశించారు.
Similar News
News November 30, 2025
GNT: GGHతీరు.. సౌరభ్ గౌర్ బేజారు.!
గుంటూరు ప్రభుత్వాసుపత్రి ప్రతిష్ఠ దిగజారుతోందంటూ Way2News కథనం <<18416193>>ప్రచురించిన<<>> గంటల్లోనే, ఆరోగ్యశాఖ ముఖ్యకార్యదర్శి సౌరభ్ గౌర్ జ్వరం వచ్చిన వ్యక్తిలా మారువేషంలో GGHకు వచ్చారు. OP నుంచి అన్ని విభాగాలను తనిఖీ చేసిన ఆయన, ప్రజల అసంతృప్తి మాదిరిగానే అసంతృప్తి వ్యక్తం చేశారు. కాగా ఇటీవల మారువేషంలో వచ్చిన సూపరింటెండెంట్ పాలన బాగుందనడం గమనార్హం.
News November 30, 2025
మంత్రి సంధ్యారాణి పై మండిపడ్డ పుష్ప శ్రీవాణి
మంత్రి సంధ్యారాణి పీఏ సతీష్ వేధిస్తున్నాడంటూ సాలూరు గ్రామానికి చెందిన మహిళ పోలీసులకు ఫిర్యాదు చేసిన విషయం తెలిసిందే. దీనిపై మాజీ డిప్యూటీ సీఎం పుష్ప శ్రీవాణి ఆదివారం స్పందించారు. పీఏ సతీష్ అరాచకాలపై బాధిత మహిళ ముందుగా మంత్రి వద్దకు వెళ్లి ఫిర్యాదు చేస్తే పట్టించుకోక తిరిగి బదిలీ చేయించారంటూ పుష్ప శ్రీవాణి మండిపడ్డారు. పోలీసుల విచారణ పూర్తి కాకముందే ఆధారాలు మార్ఫింగ్ అని ఎలా అంటారని ప్రశ్నించారు.
News November 30, 2025
సీఎం పర్యటన ఏర్పాట్లను పరిశీలించిన తుమ్మల
కొత్తగూడెంలో సీఎం పర్యటన ఏర్పాట్లను రాష్ట్ర మంత్రి తుమ్మల నాగేశ్వరరావు ఆదివారం రోజు పరిశీలించారు. డిసెంబర్ 2న మన్మోహన్ సింగ్ ఎర్త్ సైన్సెస్ యూనివర్సిటీ ప్రారంభోత్సవానికి సీఎం రేవంత్ రెడ్డి రానున్నారు. ఈ నెల 2వ తేదీ మధ్యాహ్నం 2 గంటలకు సీఎం రేవంత్ రెడ్డి పర్యటన ఉంటుందన్నారు. జిల్లా కలెక్టర్, ఎస్పీ, ఐటీడీఏ పీఓ, ఎమ్మెల్యేలు కూనంనేని, జారే, పాయం లతో కలిసి ఏర్పాట్ల సమీక్ష, సూచనలు చేశారు.