News January 23, 2025
జగిత్యాల: ఎన్నిసార్లు దరఖాస్తు చేయాలంటూ ఆందోళన
జగిత్యాల జిల్లా కథలాపూర్ మండలం చింతకుంట గ్రామంలో ప్రజాపాలన ప్రత్యేక గ్రామసభ గురువారం నిర్వహించారు. ఇందిరమ్మ ఇళ్లు పేదలకు ఇవ్వాలని.. జాబితాలో పేదల పేర్లు లేవంటూ గ్రామస్థులు అధికారులను నిలదీశారు. ఇంకెప్పుడూ పేదలకు ఇళ్లు మంజూరు చేస్తారని, ఎన్నిసార్లు దరఖాస్తు చేయాలని అధికారులపై గ్రామస్థులు మండిపడ్డారు. గ్రామ సభలో కాసేపు గందరగోళం నెలకొంది. అధికారుల సమాధానంపై గ్రామస్థులు అసంతృప్తి వ్యక్తం చేశారు.
Similar News
News November 27, 2025
నెయ్యి కల్తీకి ఆధారాలు లేవు: YV సుబ్బారెడ్డి
తిరుమల శ్రీవారి ఆలయాన్ని కొన్నాళ్లుగా రాజకీయాల్లోకి లాగుతున్నారని TTD మాజీ ఛైర్మన్ YV సుబ్బారెడ్డి అన్నారు. ‘లడ్డుపై తప్పుడు ప్రచారం చేస్తున్నారు. నెయ్యి కల్తీ జరిగిందని ఎలాంటి ల్యాబొరేటరీ ఆధారాలు లేవు. సిట్ విచారణతో ఊహాగానాలు ప్రచారం చేస్తున్నారన్నారు. ఇది TTD ప్రతిష్ఠ, భక్తుల మనోభావాలను దెబ్బతీయడమే. యానిమల్ ఫ్యాట్ ఉందన్న నెయ్యిని వాడారన్న CBN ఆరోపణలకు సమాధానం లేదు’ అని YV పేర్కొన్నారు.
News November 27, 2025
Viral: చిరంజీవితో కొండా సురేఖ సెల్ఫీ
TG: మెగాస్టార్ చిరంజీవితో మంత్రి కొండా సురేఖ దిగిన ఫొటో సోషల్ మీడియాలో వైరల్ అవుతోంది. రాజకీయాల్లో నిత్యం బిజీగా ఉండే మంత్రి సురేఖ.. బుధవారం జరిగిన ఉప ముఖ్యమంత్రి భట్టివిక్రమార్క కుమారుడు సూర్య విక్రమాదిత్య ఎంగేజ్మెంట్ ఫంక్షన్‌కు హాజరయ్యారు. ఈ సందర్భంగా చిరంజీవితో సెల్ఫీ తీసుకున్నారు. ఈ ఫొటో చూసిన మెగాస్టార్ అభిమానులు.. ఆయన క్రేజ్ ఎప్పటికీ తగ్గదని కామెంట్స్ చేస్తున్నారు.
News November 27, 2025
జాతీయస్థాయి పోటీల్లో పెదబయలు EMRS విద్యార్థి సత్తా!
ఏకలవ్య మోడల్ రెసిడెన్షియల్ పాఠశాలల(EMRS) విద్యార్థులకు నిర్వహించిన జాతీయ స్థాయి వాల్యూ ఎడ్యుకేషన్ ఒలంపియడ్ పోటీల్లో పెదబయలు EMRS విద్యార్థి సత్తా చాటారు. వివిధ రాష్ట్రాల నుంచి 12 మంది విద్యార్థులు విజయం సాధించగా, AP నుంచి తమ పాఠశాలలో 7వ తరగతి విద్యార్థి కొర్ర గౌతమ్ 3వ స్థానంలో నిలిచారని ప్రిన్సిపాల్ అమిత్ ఆనంద్ తెలిపారు. గౌతమ్.. కేంద్ర మంత్రి చేతుల మీదుగా బహుమతి తీసుకోనున్నట్లు పేర్కొన్నారు.