News February 19, 2025
జగిత్యాల కలెక్టర్‌తో చీఫ్ సెక్రటరీ వీడియో కాన్ఫరెన్స్
ప్రభుత్వ లక్ష్యాలను అధికారులు పకడ్బందీగా అమలు చేయాలని రాష్ట్ర ప్రభుత్వ ప్రధాన కార్యదర్శి శాంతి కుమారి అన్నారు. ప్రభుత్వ కార్యక్రమాలపై మంగళవారం జగిత్యాల కలెక్టర్‌తో నిర్వహించిన వీడియో కాన్ఫరెన్స్‌లో ఆమె మాట్లాడారు. విద్యుత్ వినియోగదారులకు నిరంతరాయంగా సరఫరా కొనసాగించాలని, రైతు భరోసాపై గ్రీవెన్స్ సెల్‌ను జిల్లాలో ఏర్పాటు చేయాలన్నారు. కలెక్టర్‌తో పాటు అధికారులు పాల్గొన్నారు.
Similar News
News March 17, 2025
నేటి నుంచి ‘యువ వికాసం’ దరఖాస్తులు షురూ
TG: ‘రాజీవ్ యువ వికాసం’ దరఖాస్తుల ప్రక్రియను సీఎం రేవంత్ నేడు ప్రారంభించనున్నారు. ఏప్రిల్ 5వరకూ అప్లికేషన్లు స్వీకరించనున్నారు. నిరుద్యోగ ఎస్సీ, ఎస్టీ, బీసీ, మైనారిటీ యువతకు స్వయం ఉపాధి కోసం రూ.లక్ష నుంచి 3లక్షల వరకూ రుణాలు అందించనున్నారు. ఇందులో 60-80% వరకు రాయితీ ఉంటుంది. రూ.6 వేల కోట్లతో 5లక్షల మంది యువతకు రుణాలిచ్చేలా ప్రభుత్వం ప్రణాళికలు రూపొందిస్తోంది. దరఖాస్తుకు సైట్: tgobmms.cgg.gov.in
News March 17, 2025
బీబీనగర్: అర్ధరాత్రి చోరీ.. బైక్‌పై దొంగలు!
బీబీనగర్ మండల పరిధిలోని పడమటి సోమారంలో ఆదివారం అర్ధరాత్రి తాళాలు వేసిన ఇళ్లలో దొంగలు చోరీ చేశారు. అర్ధరాత్రి రెండున్నర గంటల సమయంలో బైక్‌పై ఇద్దరు వ్యక్తులు తిరుగుతుండగా సీసీ కెమెరాలలో రికార్డైంది. బీబీనగర్ పెట్రోలింగ్ పోలీసులు దొంగలు చొరబడిన ఇళ్లను పరిశీలించారు. బాధితులను వివరాలను అడిగి తెలుసుకున్నారు.
News March 17, 2025
టెన్త్ విద్యార్థులకు ఫ్రీ బస్
నేటి నుంచి పదో తరగతి పరీక్షలు ప్రారంభం కానుండటంతో విశాఖ జిల్లాలోని విద్యార్థులందరినీ బస్సుల్లో ఉచితంగా పరీక్షా కేంద్రాలకు చేరుస్తామని ఆర్టీసీ అధికారులు తెలిపారు. మొత్తం 7 డిపోల నుంచి 150 బస్సులు నడపనున్నట్లు పేర్కొన్నారు. పరీక్షా సమయానికి ముందు, ముగిసిన తర్వాత 2.30 గంటల వరకు బస్సులు షెడ్యూల్, స్పెషల్ బస్సులు అందుబాటులో ఉంటాయని చెప్పారు. హాల్ టికెట్లు చూపించి ఉచితంగా ప్రయాణించవచ్చని చెప్పారు.