News March 1, 2025
జగిత్యాల: కుక్కల దాడిలో మూడేళ్ల బాలుడికి తీవ్ర గాయాలు
జగిత్యాల జిల్లా కథలాపూర్ మండలం సిరికొండ గ్రామానికి చెందిన కందరి శ్రీయాన్స్ అనే మూడేళ్ల బాలుడిపై కుక్కలు దాడిచేయడంతో తీవ్రగాయాలైనట్లు గ్రామస్థులు తెలిపారు. బాలుడు శుక్రవారం సాయంత్రం ఇంటి ముందు ఆడుకుంటుండగా.. కుక్కలు దాడి చేసి మెడపై గాయపరిచాయి. బాలుడిని చికిత్స నిమిత్తం కరీంనగర్లోని ఆసుపత్రికి తరలించి చికిత్స చేయిస్తున్నారు. గ్రామంలో కుక్కల బెడదను నివారించాలని గ్రామస్థులు కోరుతున్నారు.
Similar News
News November 29, 2025
NZB: కవిత మాటలు ముమ్మాటికి నిజం: జాగృతి
కాళేశ్వరం ప్రాజెక్టు ద్వారా NZB, KMR జిల్లాల్లో ఒక్క ఎకరానికి కూడా నీళ్లు ఇవ్వలేదన్న కవిత మాటలు ముమ్మాటికీ నిజం అని తెలంగాణా జాగృతి రాష్ట్ర రైతు విభాగ అధ్యక్షుడు నవీన్ రెడ్డి అన్నారు. ఆయన మీడియాతో మాట్లాడుతూ.. కాళేశ్వరం ప్రాజెక్టు కింద NZB జిల్లాలో 1,81,349 ఎకరాలు, KMR జిల్లాలో 1,86,262 ఎకరాలు ప్రతిపాదించారని ప్యాకేజీ 20, 21, 21ఏ, 22 కింద వీటిలో ఏ ఒక్క ఎకరానికి కూడా నీళ్లు రాలేదన్నారు.
News November 29, 2025
GWL: దివ్యాంగులను ప్రోత్సహించాలి..!
దివ్యాంగులను ప్రోత్సాహిస్తే అన్ని రంగాల్లో రాణిస్తారని జిల్లా అడిషనల్ కలెక్టర్ లక్ష్మీనారాయణ పేర్కొన్నారు. అంతర్జాతీయ దివ్యాంగుల దినోత్సవ వారోత్సవాల్లో భాగంగా శనివారం దివ్యాంగుల సంక్షేమ శాఖ ఆధ్వర్యంలో ఇండోర్ స్టేడియంలో క్రీడా పోటీలను ప్రారంభించారు. దివ్యమైన అవకాశం ఉన్నవారు దివ్యాంగులని, భగవంతుడు లోటు ఇచ్చాడని భావించవద్దన్నారు. అంతర్జాతీయ స్థాయిలో ప్రతిభ చాటిన దివ్యాంగులు ఉన్నారని చెప్పారు.
News November 29, 2025
ADB: ఏకగ్రీవాలకు వేలం.. కేసులు పెడతామన్నా ఆగని వైనం
స్థానిక సంస్థల ఎన్నికల్లో ఏకగ్రీవ తీర్మానాలు ఎన్నికల నియమావళికి విరుద్ధంగా చేపట్టడం సరికాదని జిల్లా ఎన్నికల అధికారులైన కలెక్టర్లు తరచూ ప్రజలను హెచ్చరిస్తూనే ఉన్నారు. బెదిరింపులకు పాల్పడటం, సర్పంచ్ పదవికి వేలం నిర్వహించి ఏకగ్రీవ తీర్మానాలు చేయించడం నేరమని హెచ్చరించినా ఆగడం లేదు. ఉమ్మడి జిల్లాలో ఇప్పటివరకు సుమారు 40 సర్పంచ్ స్థానాలను ఏకగ్రీవం చేయగా.. నిర్మల్ జిల్లాలో వేలంపాట పెట్టారు.