News March 27, 2025
జగిత్యాల: కులం పేరు మార్చాలని బీసీ కమిషన్కు వినతి

జగిత్యాలలో గురువారం పర్యటించిన బీసీ కమిషన్ చైర్మన్, సభ్యులకు పలువురు తమ కులం పేరు మార్చాలని విజ్ఞప్తి చేశారు. వీరముష్టి అంటే పూర్వకాలంలో యుద్ధ వీరులుగా ఉండే వారని, కాలక్రమేణా ముష్టి అనే పదం బిచ్చగాడు అనే పదానికి పర్యాయపదంగా మారిందని, వీరముష్టి ప్రతినిధులు తమ కులాన్ని వీరభద్ర కులంగా మార్చాలన్నారు. అలాగే తమ కులం పేరును గడ వంశీయులుగా మార్చాలని దొమ్మరి కుల సంఘం ప్రతినిధులు కమిషన్కు విజ్ఞప్తి చేశారు.
Similar News
News November 29, 2025
ట్రాఫిక్ చలాన్లపై రాయితీలు ఇవ్వడం సరైందేనా?

TG: ట్రాఫిక్ చలాన్లపై ప్రభుత్వం ఏటా రాయితీ ప్రకటిస్తుండటంతో జరిమానాల చెల్లింపు తేలికవుతోంది. వాహనదారులు పెండింగ్ చలాన్లన్నీ ఒకేసారి కట్టేస్తున్నారు. అయితే దీనిపై హైకోర్టు అభ్యంతరం వ్యక్తం చేసింది. డిస్కౌంట్ల వల్ల వాహనదారులకు చట్టంపై భయం తగ్గి క్రమశిక్షణారాహిత్యం పెరుగుతుందని ఓ కేసు విచారణ సందర్భంగా అభిప్రాయపడింది. రూల్స్ అతిక్రమించినా రాయితీ లభిస్తుందనే భావన ఉంటుందని పేర్కొంది. దీనిపై మీ COMMENT
News November 29, 2025
ఖమ్మం, భదాద్రి జిల్లాలో సర్పంచ్ ఎన్నికలు.. సోషల్ మీడియా సందడి..!

ఉమ్మడి ఖమ్మం జిల్లాలో పంచాయతీ ఎన్నికల వేళ గ్రామాల్లో కొత్త సందడి మొదలైంది. గతంలో రచ్చబండ వద్ద జరిగే చర్చ ఇప్పుడు సోషల్ మీడియాకు మారింది. అభ్యర్థులు తమ హామీలు, అజెండాను కరపత్రాలు, వాల్ పోస్టర్ల రూపంలో కాకుండా, నేరుగా గ్రామ వాట్సాప్ గ్రూపులు, స్టేటస్ల ద్వారా ప్రజలకు చేరుస్తున్నారు. గ్రామ సమస్యలు, ఎవరికి మద్దతు ఇవ్వాలనే అంశాలపై గ్రామస్థులు కూడా ఆన్లైన్లోనే చర్చిస్తున్నారు.
News November 29, 2025
వేరుశనగ పంటలో కలుపు నివారణ ఎలా?

వేరుశనగలో కలుపు నివారణకు విత్తనం విత్తిన 24-48 గంటల్లోపు 12.4 గ్రా. డైక్లోసులామ్ 84% W.D.G మందును ఎకరానికి 200 లీటర్ల నీటిలో కలిపి పిచికారి చేయాలి. దీని వల్ల 30 రోజుల వరకు దాదాపు అన్ని రకాల కలుపు మొక్కలను సమర్థవంతంగా నివారించవచ్చు. విత్తిన 25-35 రోజల సమయంలో గొర్రుతో అంతరకృషి చేసి మొక్క మొదళ్లకు మట్టిని ఎగదోయడం వల్ల కలుపును నిర్మూలించడంతో పాటు మట్టిలోకి వేరుశనగ ఊడలు దిగడానికి అవకాశం ఏర్పడుతుంది.


