News February 3, 2025
జగిత్యాల జిల్లాలో పోలీస్ యాక్ట్ అమలు
జగిత్యాల జిల్లాలో శాంతి భద్రతలను దృష్టిలో ఉంచుకొని నెల రోజుల ( ఫిబ్రవరి 1వ తేది నుంచి 28 వరకు) పాటు జిల్లా వ్యాప్తంగా పోలీసు యాక్ట్ అమలులో ఉంటుందని జిల్లా ఎస్పీ అశోక్ కుమార్ తెలిపారు. పోలీసు అధికారుల అనుమతి లేకుండా ఎలాంటి ధర్నాలు, రాస్తా రోకోలు, నిరసనలు, ర్యాలీలు, పబ్లిక్ మీటింగ్‌లు, సభలు నిర్వహించరాదని ఆయన అన్నారు.
Similar News
News November 29, 2025
కృష్ణా: కంటైనర్‌లతో ధాన్యం రవాణా.!
జిల్లాలో ధాన్యం సేకరణ కొనసాగుతున్నప్పటికీ రవాణా వాహనాల లభ్యత లేక రైతులు తీవ్రంగా ఇబ్బందులు పడుతున్నారు. సాధారణంగా ధాన్యాన్ని లారీలు, ట్రక్కుల ద్వారా స్టాక్ పాయింట్లకు తరలించే విధానాన్ని అనుసరించేవారు. అయితే ప్రస్తుతం ట్రాన్స్‌పోర్ట్ వాహనాలు అందుబాటులో లేకపోవడంతో వ్యవసాయ శాఖ అధికారులు ప్రత్యామ్నాయంగా కంటైనర్లలో రైతుల వద్ద నుంచి సేకరించిన ధాన్యాన్ని లోడింగ్ చేసి స్టాక్ పాయింట్లకు తరలిస్తున్నారు.
News November 29, 2025
ముగిసిన తొలి విడత నామినేషన్ల ప్రక్రియ
TG: తొలి విడత గ్రామపంచాయతీ ఎన్నికలకు నామినేషన్ల ప్రక్రియ ముగిసింది. మొత్తంగా రెండు రోజుల్లో సర్పంచ్ స్థానాలకు 8,198 నామినేషన్లు, 11,502 వార్డు మెంబర్‌ నామినేషన్లు దాఖలు చేశారు. మొదటి దశలో 189 మండలాల్లోని 4,236 సర్పంచ్(గ్రామాలు), 37,440 వార్డు స్థానాలకు డిసెంబర్ 11న పోలింగ్, అదే రోజున లెక్కింపు జరగనుంది.
News November 29, 2025
రూ.521.36 కోట్లతో రైల్ కోచ్ ఫ్యాక్టరీ: కిషన్ రెడ్డి
ప్రజల డిమాండ్లు, ప్రాంత సామాజిక-ఆర్థిక అభివృద్ధిని దృష్టిలో ఉంచుకుని కాజీపేటలో రైల్వే తయారీ యూనిట్‌ను ఏర్పాటు చేస్తున్నట్లు కేంద్ర మంత్రి కిషన్ రెడ్డి తెలిపారు. రూ. 521.36 కోట్ల వ్యయంతో టర్న్‌కీ ప్రాతిపదికన ఈ ప్రాజెక్టును అమలు చేసే బాధ్యతను రైల్ వికాస్ నిగమ్ (RVNL) లిమిటెడ్‌కు అప్పగించినట్లు ఆయన వివరించారు.