News February 8, 2025
జగిత్యాల: బావిలో వ్యక్తి మృతదేహం లభ్యం

జగిత్యాల జిల్లా ధర్మపురి పట్టణ శివార్లలో వాగు వద్ద గల బావిలో ఓ వ్యక్తి మృతదేహం శుక్రవారం రాత్రి లభ్యమైంది. స్థానికులు తెలిపిన వివరాల ప్రకారం.. బహిర్భూమి కోసం వచ్చి ప్రమాదవశాత్తు బావిలో పడి ఉంటాడని తెలుపుతున్నారు. స్థానికులు పోలీసులకు సమాచారం అందించారు. దీంతో ఘటనా స్థలానికి ఎస్ఐ ఉదయ్ వెళ్లి పరిశీలించారు. మృతుడు జగిత్యాలకు చెందిన ఎండీ హమీద్గా గుర్తించారు. పూర్తి వివరాలు తెలియాల్సి ఉంది.
Similar News
News November 29, 2025
నల్గొండ: గొర్రెల ధరలు ఆకాశానికి..

ఉమ్మడి నల్గొండ జిల్లాలో గొర్రెల ధరలు భారీగా పెరగడంతో చిన్న వ్యాపారులు తీవ్ర ఇబ్బందులు పడుతున్నారు. మారుబేరగాళ్లు అధిక రేట్లు చెప్పడంతో ఒకటి, రెండు గొర్రెలు కొనే చిన్న వ్యాపారులు వెనక్కు తగ్గుతున్నారు. దీంతో మార్కెట్లో కొనుగోళ్లు తగ్గి, అమ్మకాలు పడిపోయాయి. ఇదే ధరలు కొనసాగితే, కిలో మటన్ ధర రూ.1,000 దాటే అవకాశం ఉంటుందని వ్యాపారులు ఆందోళన వ్యక్తం చేస్తున్నారు.
News November 29, 2025
ఇంట్లోనే షాంపూ ఇలా చేసుకోండి

జుట్టు రాలిపోయే సమస్యకు చెక్ పెట్టాలంటే హోం మేడ్ షాంపూ వాడటం బెటర్ అంటున్నారు నిపుణులు. అదెలా చేయాలంటే.. శీకాయ, కుంకుడు కాయ, ఉసిరి, వేపాకు పొడి సమపాళ్లలో తీసుకొని మరుగుతున్న నీటిలో వేయాలి. ఇవి వేసిన తర్వాత 10నిమిషాలు మరగనివ్వాలి. ఈ మిశ్రమం చల్లారిన తర్వాత వడకట్టుకుని భద్రపరచుకోవాలి. ఈ హోంమేడ్ షాంపూతో తలస్నానం చేస్తే.. జుట్టు రాలిపోవడం తగ్గడంతో పాటు బలంగా తయారవుతుందని చెబుతున్నారు.
News November 29, 2025
స్వమిత్వ సర్వే వేగవంతం: కలెక్టర్ షాన్ మోహన్ ఆదేశం

కాకినాడ క్యాంపు కార్యాలయం నుంచి రెవెన్యూ, పంచాయతీ అధికారులతో జూమ్ కాన్ఫరెన్స్ ద్వారా కలెక్టర్ షాన్ మోహన్ కీలక ఆదేశాలు జారీ చేశారు. కేంద్ర ప్రభుత్వ ప్రతిష్టాత్మక ‘స్వమిత్వ సర్వే’ ప్రక్రియను మరింత వేగవంతం చేసి, సకాలంలో పూర్తి చేయాలని ఆయన అధికారులను ఆదేశించారు. గ్రామాల్లో మెరుగైన సాంకేతికతతో కూడిన సర్వే, మ్యాపింగ్ కోసం ఈ పథకాన్ని ప్రభుత్వం చేపట్టినందున, దీనిని యుద్ధ ప్రాతిపదికన పూర్తి చేయాలన్నారు.


