News October 20, 2024
జగిత్యాల మీదుగా ముంబైకి రైలు
KNR నుంచి జగిత్యాల(లింగంపేట)లోని రైల్వే స్టేషన్ మీదుగా ముంబై దాదర్ వరకు ప్రతి బుధవారం సాయంత్రం 05:40 నిమిషాలకు రైలు తిరిగి పునః ప్రారంభించారు. పరిసర ప్రాంత ప్రజలు దీన్ని సద్వినియోగం చేసుకోవాలని రైల్వే అధికారులు తెలిపారు. గురువారం మధ్యాహ్నం 1:25 గంటలకు దాదర్ చేరుకొనుంది. కాగా ఇదే రైలు తిరిగి గురువారం ముంబై (దాదర్) నుంచి మధ్యాహ్నం 3:25 గంటలకు బయలుదేరి శుక్రవారం ఉదయం 11 గంటల వరకు జగిత్యాలకు రానుంది.
Similar News
News November 30, 2025
KNR: ముగిసిన మొదటి విడత సర్పంచ్ ఎన్నికల నామినేషన్
కరీంనగర్ జిల్లాలో మొదటి విడత గ్రామపంచాయతీ సర్పంచ్ ఎన్నికల నామినేషన్ ప్రక్రియ శనివారం ముగిసింది. సర్పంచ్ స్థానాలకు 739 నామినేషన్లు దాఖలు అయినట్లు అధికారులు తెలిపారు. చొప్పదండి 124 , గంగాధర 266, రామడుగు 172, కరీంనగర్ రూరల్ 100, కొత్తపల్లి 68 మండలాల్లోని గ్రామాలలో సర్పంచ్ ఎన్నికల నామినేషన్లు దాఖలయ్యాయి. 92 గ్రామాలలో 866 వార్డులు ఉండగా, 2174 నామినేషన్లు వచ్చినట్లు తెలిపారు.
News November 30, 2025
KNR: ట్రెండ్ మారింది.. సోషల్ మీడియా వేదికైంది..!
స్థానిక సంస్థల ఎన్నికల్లో అభ్యర్థులు వినూత్న ప్రచారానికి శ్రీకారం చుట్టారు. సమయం తక్కువగా ఉండడంతో సోషల్ మీడియాపై దృష్టి సారించారు. ఉమ్మడి KNR జిల్లాలోని గ్రామాల్లో పనుల నిమిత్తం ప్రజలు బీజీగా ఉండడంతో ఇంటింటి ప్రచారం కుదరదనే భావంతో ఇలా చేస్తున్నట్లు తెలుస్తోంది. అలాగే, ఉద్యోగ రీత్యా బయట పట్టణాలకు వెళ్లిన వారి దృష్టి కూడా ఆకర్షించే యోచనలో భాగంగా ఇలా ప్రచారం చేస్తున్నారు.
News November 30, 2025
కరీంనగర్: నేటి నుంచి 2వ విడత నామినేషన్లు
కరీంనగర్ జిల్లాలో 2వ విడత పంచాయతీ ఎన్నికలకు నేటి నుంచి నామినేషన్ల స్వీకరణకు అధికారులు సిద్ధం చేశారు. ఆయా మండలాల్లోని క్లస్టర్ కేంద్రాల్లో ఉ.10:30 నుంచి సా.5 గంటల వరకు నామినేషన్లు స్వీకరించనున్నారు. కరీంనగర్ జిల్లాలో మానకొండూర్, తిమ్మాపూర్, గన్నేరువరం, శంకరపట్నం, చిగురుమామిడి మండల్లాలోని 113 పంచాయతీలు, 1046 వార్డులు, 1046 పోలింగ్ కేంద్రాల్లో నామినేషన్లు తీసుకుంటారు.