News February 1, 2025
జగిత్యాల: విద్యార్థుల పరిస్థితి నిలకడగా ఉంది: కలెక్టర్
జగిత్యాల జిల్లా ధర్మపురి మైనారిటీ కాలేజీలో వాంతులు, విరేచనాలతో ఐదుగురు విద్యార్థులు అస్వస్థతకు గురికావడంపై జిల్లా కలెక్టర్ బీ.సత్యప్రసాద్ స్పందించారు. విద్యార్థులకు మెరుగైన వైద్యం అందించాలని అధికారులను ఆదేశించారు. ప్రభుత్వాస్పత్రిలో విద్యార్థుల ఆరోగ్య పరిస్థితి కుదుట పడిన తరువాత జగిత్యాలలోని ప్రైవేట్ ఆసుపత్రికి తరలించినట్లు తెలిపారు. అబ్జర్వేషన్ అనంతరం వారి పరిస్థితి నిలకడగా ఉందన్నారు.
Similar News
News November 30, 2025
సూర్యాపేట: ప్రారంభమైన రెండో విడత నామినేషన్లు
సూర్యాపేట జిల్లా స్థానిక సంస్థల ఎన్నికల్లో రెండో విడత నామినేషన్ ప్రక్రియ ప్రారంభమైంది. జిల్లాలోని 8 మండలాలకు చెందిన 181 గ్రామపంచాయతీలు, 1,628 వార్డుల కోసం అభ్యర్థులు నామినేషన్లు స్వీకరించనున్నారు. నామినేషన్ వేసే కేంద్రాల్లో అధికారులు ఏర్పాట్లు పూర్తి చేశారు. ఎన్నికలు ప్రశాంతంగా నిర్వహించేలా భద్రతా చర్యలు కట్టుదిట్టం చేశారు.
News November 30, 2025
అన్నమయ్య జిల్లా స్కూళ్లకు రేపు సెలవు
తుఫాను నేపథ్యంలో అన్నమయ్య జిల్లాలోని ప్రభుత్వ, ప్రైవేటు పాఠశాలలకు సోమవారం సెలవు ప్రకటించారు. కలెక్టర్ ఆదేశాల మేరకు ఈ నిర్ణయం తీసుకున్నట్లు డీఈవో కె.సుబ్రహ్మణ్యం వెల్లడించారు. విద్యార్థులు కుంటలు, కాలువలు, చెరువులు, పాడుబడ్డ గోడల వద్దకు వెళ్లకుండా జాగ్రత్తలు తీసుకోవాలని తల్లిదండ్రులకు సూచించారు. కాలేజీలకు సెలవులపై ఎలాంటి ప్రకటన రాలేదు.
News November 30, 2025
PDPL: ‘పంచాయతీ ఎన్నికలు ఫ్రీ & ఫెయిర్‌గా జరగాలి’
సాధారణ ఎన్నికల పరిశీలకులు అనుగు నర్సింహా రెడ్డి పెద్దపల్లి జిల్లాలో పంచాయతీ ఎన్నికలు ఫ్రీ & ఫెయిర్‌గా నిర్వహించాలని అన్నారు. ఎం.సి.సి నిబంధనలు కఠినంగా పాటించాలని, సిబ్బంది పోస్టల్ బ్యాలెట్ వినియోగించాలని అన్నారు. ఎన్నికల ఫిర్యాదులకు ప్రత్యేక వ్యవస్థ, ప్రచార ఖర్చులు రికార్డింగ్, రౌడీ షీటర్లపై బైండోవర్, కుల మత వివాదాలను నివారించే చర్యలు తీసుకోవాలని కలెక్టర్ కోయ శ్రీ హర్ష సూచించారు.