News February 18, 2025
జగిత్యాల: ‘సంత్ సేవాలాల్ మహారాజ్ జీవితం సర్వమానవాళికి ఆదర్శం’
బంజారాల ఆరాధ్య దైవమైన సంత్ సేవాలాల్ మహారాజ్ జీవితం సర్వ మానవాళికి ఆదర్శమైనదని అడిషనల్ కలెక్టర్ బీఎస్ లత అన్నారు. జగిత్యాల బంజారా భవన్లో మంగళవారం జరిగిన సేవాలాల్ మహారాజ్ జయంతోత్సవ వేడుకల్లో ఆమె పాల్గొని మాట్లాడారు. సంతు సేవాలాల్ బంజారా జాతికే కాదు యావత్ ఇతర కులాలకు ఆదర్శ పురుషుడని కొనియాడారు. కార్యక్రమంలో జిల్లా గిరిజన అభివృద్ధి అధికారి రాజ్ కుమార్, డీఈవో రాము తదితరులు పాల్గొన్నారు.
Similar News
News April 10, 2026
సూర్యాపేట: పాడి గేదెల పథకం దరఖాస్తు గడువు పెంపు
ఎస్సీ కార్పొరేషన్ ద్వారా 2025-26 వార్షిక ప్రణాళికలో భాగంగా ‘రెండు పాడి గేదెల పెంపకం’ పథకానికి దరఖాస్తు గడువును ఈ నెల 16 వరకు పొడిగించినట్లు కలెక్టర్ తేజస్ నందలాల్ పవర్ తెలిపారు. ఆసక్తి గల ఎస్సీ యువతీ యువకులు ఆన్లైన్లో దరఖాస్తు చేసుకుని, ఆ పత్రాలను సంబంధిత మున్సిపల్ లేదా మండల కార్యాలయాల్లో సమర్పించాలని సూచించారు. ఆధార్, కుల, ఆదాయ ధ్రువీకరణ పత్రాలతో వెబ్సైట్ ద్వారా దరఖాస్తు చేసుకోవాలని కోరారు.
News April 10, 2026
ప్రజల భద్రతే ప్రభుత్వ ధ్యేయం: కలెక్టర్
ప్రజల ప్రాణ రక్షణే ప్రభుత్వ ప్రథమ కర్తవ్యమని జనగామ కలెక్టర్ సందీప్ కుమార్ ఝా తెలిపారు. 99 రోజుల ప్రజాపాలన–ప్రగతి ప్రణాళికలో భాగంగా ఈనెల 13 నుంచి 18 వరకు నిర్వహించనున్న “అరైవ్–అలైవ్” కార్యక్రమాలను జిల్లాలో విస్తృతంగా చేపట్టాలని అధికారులకు ఆదేశించారు. రవాణా, పోలీస్, ఆరోగ్య, విద్యా, మున్సిపల్ శాఖలు తమ బాధ్యతల మేరకు ట్రాఫిక్ నియమాల ప్రచారం, తనిఖీలు, అవగాహన సదస్సులు నిర్వహించాలన్నారు.
News April 10, 2026
MTM: ‘ఈ నెల 30 నుంచే వేసవి సెలవులు ఇవ్వాలి’
పెరుగుతున్న ఎండల కారణంగా ఈ నెల 30 నుంచి జూన్ 14వ తేదీ వరకు సెలవులు ప్రకటించాలని కృష్ణా, NTR జిల్లాల గవర్నమెంట్ డిగ్రీ కళాశాల అధ్యాపకుల సంఘం ప్రతినిధులు కృష్ణా యూనివర్సిటీ VC రాంజీని కోరారు. పలు అంశాలపై వారు VCకి వినతిపత్రం సమర్పించారు. స్పాట్ వాల్యూషన్ ప్రక్రియను స్కీమ్ ఆఫ్ ఎవల్యూషన్ ద్వారా నిర్వహించాలని, అలాగే అర్హత కలిగిన గవర్నమెంట్ డిగ్రీ కళాశాల అధ్యాపకులకు రీసెర్చ్ గైడ్షిప్ కల్పించాలన్నారు.