News November 29, 2024

జనకాపూర్ జెడ్పీ పాఠశాలను తనిఖీ చేసిన ఆసిఫాబాద్ కలెక్టర్

ఆసిఫాబాద్ జిల్లా కేంద్రంలోని జనకాపూర్ జెడ్పి ఉన్నత పాఠశాలను ఆసిఫాబాద్ జిల్లా కలెక్టర్ వెంకటేష్ దోత్రే గురువారం ఆకస్మికంగా తనిఖీ చేశారు. మధ్యాహ్న భోజన వంటకాలను పరిశీలించారు. మెనూ ప్రకారం భోజనాన్ని తయారు చేశారా? అని వంటవారిని అడిగి తెలుసుకున్నారు. నిత్యం మెనూ ప్రకారం పిల్లలకు భోజనం పెట్టాలని ఆదేశించారు. మెనూ ప్రకారం, నాణ్యమైన భోజనం వడ్డించకుంటే చర్యలు తీసుకుంటామని హెచ్చరించారు.