News February 25, 2025
జనగాం: ఇందిరా మహిళా శక్తి క్యాంటీన్ను ప్రారంభించిన కలెక్టర్
జనగాం మున్సిపాలిటీ పరిధిలో మంగళవారం కలెక్టర్ రిజ్వాన్ భాషా షేక్ ఇందిరా మహిళా శక్తి క్యాంటీన్ను ప్రారంభించారు. కలెక్టర్ మాట్లాడుతూ.. మహిళల జీవన ఉపాధికి, ఆర్థిక స్వేచ్ఛకు క్యాంటీన్లు ఎంతగానో ఉపయోగపడుతాయని పేర్కొన్నారు. ఇంతటి విశాలమైన, శుభ్రమైన క్యాంటీన్ ప్రారంభించినందుకు మెప్మా లతాశ్రీ, ఎస్హెచ్జీ గ్రూప్ను కలెక్టర్ అభినందించారు.
Similar News
News December 15, 2025
బాపట్ల: ఎండుమిర్చి దొంగతనం కేసులో నిందితుడికి జైలు
అద్దంకి మండలం రాళ్లపాడుకు చెందిన శ్రీనివాసరావు పొలంలో 2025లో 10 క్వింటాళ్ల ఎండుమిర్చి దొంగలించిన కేసులో నిందితుడికి జైలు శిక్ష విధించారు. ఒంగోలులోని పేర్నమిట్టకు చెందిన చిరుతోటి మధు(41)కు సోమవారం అద్దంకి జడ్జి అఖిల 6నెలల జైలు శిక్ష విధించినట్లు అద్దంకి C.I సుబ్బరాజు తెలిపారు. దొంగతనం ఘటనపై అప్పటి SI కేసు నమోదు చేశారన్నారు. దర్యాప్తులో నిందితుడు ఉపయోగించిన ఆటోను కోర్టుకు స్వాధీనం చేశామన్నారు.
News December 15, 2025
అమర జీవికి సెల్యూట్ చేసిన ప్రకాశం SP.!
ఒంగోలులోని జిల్లా పోలీస్ కార్యాలయంలో సోమవారం అమరజీవి పొట్టి శ్రీరాములు వర్ధంతి కార్యక్రమాన్ని ఘనంగా నిర్వహించారు. ఈ సందర్భంగా అమరజీవి చిత్రపటానికి ఎస్పీ హర్షవర్ధన్ రాజు పూలమాలలు వేసి నివాళులు అర్పించారు. అనంతరం గౌరవ వందనంగా SP సెల్యూట్ చేశారు. ఎస్పీ మాట్లాడుతూ.. తెలుగు ప్రజలకోసం ప్రత్యేక రాష్ట్ర సాధన లక్ష్యంగా అమరజీవి ఆమరణ నిరాహార దీక్షతో ఆత్మార్పణ చేసి అమరులయ్యారన్నారు.
News December 15, 2025
కర్నూలు: అంగన్వాడీల టీచర్లకు ఫోన్లు ఇచ్చిన కలెక్టర్
కర్నూలు జిల్లా కలెక్టర్ డాక్టర్ సిరి అంగన్వాడీ సిబ్బందికి శాంసంగ్ 5-జీ సెల్ఫోన్లు పంపిణీ చేశారు. సోమవారం కలెక్టర్ చాంబర్లో జరిగిన కార్యక్రమంలో భాగంగా ఈ ఫోన్లను అందజేశారు. అంగన్వాడీలో సేవలను మరింత సమర్థవంతంగా నిర్వహించేందుకు టీచర్లకు ఈ ఫోన్లు ఉపయోగపడతాయని కలెక్టర్ తెలిపారు. ఈ కార్యక్రమంలో సంబంధిత అధికారులు, అంగన్వాడీ సిబ్బంది పాల్గొన్నారు.