News April 2, 2025
జనగాం: సర్వాయి పాపన్న వర్ధంతిలో పాల్గొన్న ఎమ్మెల్యే, కలెక్టర్
జనగామ జిల్లా కలెక్టరేట్లో జిల్లా వెనకబడిన తరగతుల సంక్షేమ శాఖ ఆధ్వర్యంలో ఏర్పాటు చేసిన సర్దార్ సర్వాయి పాపన్న వర్ధంతి కార్యక్రమంలో కలెక్టర్ షేక్ రిజ్వాన్ బాషాతో కలిసి ఎమ్మెల్యే కడియం శ్రీహరి పాల్గొన్నారు. అనంతరం ఆయన చిత్ర పటానికి పూల మాలలు వేసి నివాళులు అర్పించారు. రాజ్యాధికారం దిశగా బహుజన రాజ్యాన్ని స్థాపించిన మొట్టమొదటి వీరుడు సర్దార్ సర్వాయి పాపన్న అని కొనియాడారు.
Similar News
News November 29, 2025
విశాఖ: రైలులో నొప్పులు.. అంబులెన్స్‌లోనే ప్రసవం
విశాఖ రైల్వే స్టేషన్‌లో గురువారం రాత్రి రైలులో ప్రయాణిస్తున్న ఓ గర్భిణి అకస్మాత్తుగా తీవ్రమైన నొప్పితో అస్వస్థతకు లోనైంది. అధిక రక్తపోటు లక్షణాలు కనిపించడంతో స్టేషన్ చేరుకున్న వెంటనే గేట్ నెం.1 వద్ద ఉన్న అంబులెన్స్‌‌‌లో డా.భాషిణి ప్రియాంక నేతృత్వంలో తక్షణ చికిత్స అందించగా సాధారణ ప్రసవం జరిగింది. అనంతరం తల్లి, శిశువుకి రైల్వే ఆసుపత్రిలో చికిత్స అందించి, KGHకి తరలించారు.
News November 29, 2025
సీ సెక్షన్ మహిళల గుండెను వీక్ చేస్తుందా?
సీ సెక్షన్ తర్వాత మహిళల గుండె వీక్ అవుతుందని చాలామంది అపోహ పడుతుంటారు. కానీ అది సరికాదంటున్నారు నిపుణులు. కొన్ని సర్జరీల తర్వాత రక్తం గడ్డకట్టడం, రక్తపోటులో హెచ్చుతగ్గులు, అనస్థీషియా కారణంగా గుండెపై ఒత్తిడి పడుతుంది. హైబీపి, అధికబరువు, డయాబెటిస్ సమస్యలు కారణంగా సి సెక్షన్ తర్వాత గుండె ఆరోగ్యం దెబ్బతింటుందని చెబుతున్నారు. రెగ్యులర్‌గా హెల్దీ ఫుడ్ తీసుకోవడం, వర్కౌట్ చేయడం మంచిదని సూచిస్తున్నారు.
News November 29, 2025
ఏలూరు: మృతదేహంతో ఆసుపత్రి వద్ద ఆందోళన
భీమడోలు మండలానికి చెందిన తంబికి(47) 15 రోజుల క్రితం ఆశ్రమం ఆసుపత్రిలో బైపాస్ సర్జరీ జరిగింది. నాలుగు రోజుల క్రితం అస్వస్థతకు గురికావడంతో చికిత్స అందించారు. శుక్రవారం రాత్రి అతన్ని మెరుగైన వైద్యం కోసం గుంటూరుకు తరలిస్తుండగా మార్గమధ్యంలోనే మృతి చెందాడు. దీంతో తంబి మృతికి ఆసుపత్రి వైద్యుల నిర్లక్ష్యమే కారణమని, న్యాయం చేయాలంటూ కుటుంబ సభ్యులు అర్థరాత్రి ఆసుపత్రి వద్ద మృతదేహంతో ఆందోళన చేపట్టారు.