News August 17, 2024
జనగామ: మున్సిపల్ రెవెన్యూ పెంచేందుకు కృషిచేయాలి: కలెక్టర్
జనగామ మున్సిపల్ రెవెన్యూ పెంచేందుకు అధికారులు ప్రణాళికబద్ధంగా కృషి చేయాలని జిల్లా కలెక్టర్ రిజ్వాన్ భాషా షేక్ ఆదేశించారు. శనివారం కలెక్టరేట్‌లో సంబంధిత అధికారులతో సమావేశం నిర్వహించారు. పన్నుల వసూలు, ట్రేడ్ లైసెన్స్, ప్రచార హోర్డింగ్స్ అనుమతులు, భవన నిర్మాణ అనుమతులు, రెంటల్ ఛార్జిస్, జరిమానాలపై ప్రణాళికబద్ధంగా చర్యలు తీసుకుంటూ ఆదాయం పెంచాలన్నారు. వసూళ్లలో జాప్యం చేయొద్దన్నారు.
Similar News
News November 30, 2025
వరంగల్: రవాణా శాఖ హోంగార్డులకు వేతన వెతలు..!
వరంగల్ రవాణా శాఖలో పనిచేస్తున్న ఐదుగురు హోంగార్డులకు నాలుగు నెలలుగా వేతనాలు అందక తీవ్ర ఇబ్బందులు ఎదురవుతున్నాయి. ఇతర జిల్లాల్లో హోంగార్డులకు జీతాలు సక్రమంగా జమవుతున్నా, వరంగల్‌లో మాత్రం బకాయిలు క్లియర్ కాక అప్పులు చేస్తున్నారు. పలుమార్లు అధికారులకు విజ్ఞప్తి చేసినా స్పందన లేక నిరాశ చెందుతున్న వారు, ప్రభుత్వం జోక్యం చేసుకుని వెంటనే వేతనాలు విడుదల చేయాలని కోరుతున్నారు.
News November 30, 2025
బొబ్బరోనిపల్లి: 20 ఏళ్లుగా ఒకే కుటుంబం..!
దుగ్గొండి మండలం బొబ్బరోనిపల్లిలో సర్పంచ్ పదవి 20 ఏళ్లుగా ఒకే కుటుంబం చేతిలోనే కొనసాగుతోంది. 1994లో పంచాయతీ ఏర్పడిన తర్వాత 1995, 2013లో శంకేసి పద్మ, శంకేసి శోభ కమలాకర్ ఏకగ్రీవంగా గెలిచారు. 2001లో పద్మ భర్త నర్సింహాస్వామి, 2019లో కమలాకర్ విజయం సాధించారు. ఈసారి సర్పంచ్ పదవి జనరల్‌కు రావడంతో శోభ భర్త కమలాకర్ మళ్లీ బరిలోకి దిగేందుకు సిద్ధమవుతుండగా, ఫలితంపై గ్రామంలో ఆసక్తి పెరిగింది.
News November 30, 2025
WGL: ఖర్చు ఎంతైనా పర్వా నై.. ఇక బుజ్జగింపుల పర్వం..!
WGL జిల్లాలో తొలి విడత నామినేషన్‌ల ప్రక్రియ ముగిసింది. సర్పంచ్‌కు 656 మంది, వార్డు మెంబర్‌కు 1858 మంది అభ్యర్థులు పోటీలో ఉన్నారు. నేటి నుంచి పార్టీల్లో బుజ్జగింపుల పర్వం ప్రారంభం కానుంది. తమ పార్టీలకు చెందిన రెబల్స్‌తో పాటు స్వతంత్రుల నామినేషన్లను వెనక్కి తీసుకునేలా నేతలు ప్రయత్నాలు వేగవంతం చేస్తున్నారు. పదవుల కోసం రూ.లక్షలు ఖర్చుపెట్టి రంగంలోకి దిగిన కొందరు వెనకడుగు వేయకపోవడంతో హీట్ పెరగనుంది.