News August 2, 2024
జనగామ: స్కూల్ బస్సు కింద పడి విద్యార్థి మృతి
స్కూల్ బస్సు కింద పడి ఓ విద్యార్థి మృతి చెందిన ఘటన జనగామ జిల్లాలో జరిగింది. స్థానికులు తెలిపిన వివరాలు.. జనగామ మండలం అడవి కేశవాపూర్కు చెందిన విద్యార్థి బానోతు వరుణ్ స్కూల్ బస్సుకు బ్యాగ్ తట్టుకొని వెనుక టైర్ కింద పడిపోయాడు. దీంతో బస్సు టైరు విద్యార్థి తలపై నుంచి వెళ్లడంతో అక్కడికక్కడే మృతి చెందాడు. డ్రైవర్ నిర్లక్ష్యం వల్లే ఈ ప్రమాదం జరిగిందని విద్యార్థి బంధువులు బస్సు అద్దాలను ధ్వంసం చేశారు.
Similar News
News September 8, 2024
వరంగల్: గుండెపోటుతో కానిస్టేబుల్ మృతి
గుండెపోటుతో కానిస్టేబుల్ మృతి చెందిన ఘటన WGL జిల్లాలో శనివారం మధ్యాహ్నం జరిగింది. స్థానికుల ప్రకారం.. ములుగు జిల్లా మంగపేట మండలం చింతకుంటకు చెందిన కొమురం జగన్ NSPT పోలీస్ స్టేషన్లో పట్టణ CI గన్మెన్గా పనిచేస్తున్నాడు. అయితే శనివారం గణపతి ప్రతిష్ఠాపన కార్యక్రమంలో పాల్గొని ఇంటి వెళ్లాడు. వాంతులు చేసుకోగా.. కుటుంబీకులు ఆస్పత్రికి తరలించడతంతో అప్పటికే గుండెపోటుతో మృతి చెందినట్లు వైద్యులు తెలిపారు.
News September 8, 2024
ఈనెల 11న కాళేశ్వరంపై ఎన్జీటీ విచారణ
కాళేశ్వరం ఎత్తిపోతల్లో ప్రధాన బ్యారేజీలతో పాటు మల్లన్న సాగర్ జలాశయ నిర్మాణానికి సంబంధించి చెన్నై హరిత ట్రిబ్యునల్(ఎన్జీటీ) ఈనెల 11న విచారణ చేపట్టనుంది. సుమోటోగా స్వీకరించిన ఫిర్యాదు మేరకు తొలుత ఢిల్లీ ఎన్జీటీ ధర్మాసనం కాళేశ్వరంపై విచారణ చేపట్టి కేసును చెన్నై ధర్మాసనానికి బదిలీ చేసింది. క్షేత్రస్థాయి పరిశీలన చేపట్టి నివేదిక సమర్పించాలంటూ జిల్లా కలెక్టర్ నీటిపారుదల శాఖలను ధర్మాసనం ఆదేశించింది.
News September 8, 2024
అన్నారం షరీఫ్ దర్గాలో అక్రమ వసూళ్లు!
అన్నారం షరీఫ్ యాకూబ్ బాబా దర్గాలో వసూళ్ల పర్వం కొనసాగుతోందన భక్తులు మండిపడుతున్నారు. టెండర్ దారులు సొంత రశీదు టిక్కెట్లు ముద్రించి డబ్బులు వసూలు చేస్తున్నారని భక్తులు ఆరోపిస్తున్నారు. కందూరు చేయాలంటే రూ.2వేలకు పైగానే చెల్లించుకోవాల్సిందేనని వాపోతున్నారు. దర్గాలో భక్తుల నుంచి బలవంతంగా కానుకల పేరిట వసూలు చేస్తున్నారని, ఈ అక్రమాలపై అధికారులు దృష్టి సారించాలని కోరుతున్నారు. మీరూ వెళ్తే కామెంట్ చేయండి.