News January 27, 2025
జన్నారం: పడగ విప్పిన పాములా బండరాయి
జన్నారం మండలంలోని ఇందన్పల్లి అటవీ రేంజ్లో ఉన్న అడవిలో ఓ రాయి పడగ విప్పిన పాములా ఉండటం అందరినీ ఆశ్చర్యానికి గురిచేస్తోంది. మైసమ్మ కుంట నుంచి గనిశెట్టి కుంటకు వెళ్లే మార్గంలో అడవి మధ్యలో పడగ విప్పిన పాము మాదిరిగా రాయి దర్శనమిచ్చింది. దగ్గరకు వెళ్లి చూస్తే అది బండ రాయిగా కనిపిస్తుందని ఎఫ్ఆర్ఓ కారం శ్రీనివాస్ తెలిపారు. అయితే అటవీ నిబంధనలు ఉండటంతో దాని సందర్శనకు అనుమతి లేదన్నారు.
Similar News
News December 17, 2025
వెల్గటూర్: డ్రా పద్ధతి ద్వారా వరించిన సర్పంచ్ పదవి
వెల్గటూర్ మండలంలోని కోటిలింగాల గ్రామంలో ఆసక్తికరమైన సన్నివేశం చోటుచేసుకుంది. గ్రామంలో సర్పంచ్ పదవికి నలుగురు అభ్యర్థులు బరిలో నిలువగా, ఇద్దరు అభ్యర్థులకు 155 ఓట్లు పోలయ్యాయి. దీంతో అధికారులు డ్రా పద్ధతి ద్వారా ఎన్నిక నిర్వహించగా.. కోటయ్య అనే వ్యక్తి సర్పంచ్గా ఎన్నికైనట్లు అధికారులు ప్రకటించారు. దీంతో కోటయ్యను అదృష్టం వరించింది.
News December 17, 2025
విశాఖ: ఎస్ఐల బదిలీల్లో మార్పులు
నగర పోలీస్ కమిషనరేట్ పరిధిలో ఇటీవల జరిగిన 102 మంది ఎస్ఐల బదిలీల్లో అధికారులు స్వల్ప మార్పులు చేశారు. బుధవారం 18 మంది ఎస్ఐల విన్నపం మేరకు వారిని ఇతర స్టేషన్లకు బదిలీ చేస్తూ ఉత్తర్వులు జారీ అయ్యాయి. బదిలీ అయిన ఎస్ఐలందరూ వెంటనే తమకు కేటాయించిన కొత్త స్టేషన్లలో బాధ్యతలు స్వీకరించాలని ఉన్నతాధికారులు ఆదేశించారు. పారదర్శకత, పరిపాలనా సౌలభ్యం కోసమే ఈ బదిలీలు చేపట్టినట్లు పోలీస్ వర్గాలు వెల్లడించాయి.
News December 17, 2025
జైపూర్ సర్పంచ్గా భాస్కర్ గెలుపు
జైపూర్ గ్రామ పంచాయతీ సర్పంచ్గా కాంగ్రెస్ పార్టీ బలపరిచిన కూన భాస్కర్ విజయం సాధించారు. సమీప ప్రత్యర్థిపై 187 ఓట్ల మెజారిటీతో గెలుపొందారు. కాంగ్రెస్ పార్టీ అభ్యర్థి గెలవడంతో పార్టీ శ్రేణులు సంబరాలు జరుపుకుంటున్నారు. ఆయన మాట్లాడుతూ.. గ్రామ పంచాయతీ అభివృద్ధికి నిరంతరం కృషి చేస్తానని అన్నారు.