News February 7, 2026
జర్నలిస్టులు అక్రెడిటేషన్లకు దరఖాస్తు చేసుకోవాలి: కలెక్టర్
నిర్మల్ జిల్లాలో 2026-28 సంవత్సరాలకు గాను జర్నలిస్టుల అక్రెడిటేషన్ కార్డుల జారీకి దరఖాస్తులు స్వీకరిస్తున్నట్లు కలెక్టర్ అభిలాష అభినవ్ తెలిపారు. ఈనెల 9 నుంచి ఆన్లైన్లో దరఖాస్తు చేసుకోవచ్చని శనివారం పేర్కొన్నారు. ప్రస్తుతం ఉన్న కార్డుల గడువు ఈనెల 28తో ముగియనుందని, అర్హులైన జర్నలిస్టులు ఈ అవకాశాన్ని వినియోగించుకోవాలని సూచించారు. నిబంధనల ప్రకారం నూతన కార్డులు జారీ చేస్తామని స్పష్టం చేశారు.
Similar News
News March 17, 2026
సర్కారు ‘లేజర్’ కన్ను.. మీ ఇంటి గుట్టు రట్టు..!
మూడు కార్పొరేషన్ల(GHMC, MMC, CMC) పరిధిలో ఆకాశం నుంచి లేజర్ కిరణాలతో అంగుళం, అంగుళం రికార్డు చేస్తున్నారు. ఇది అక్రమ కట్టడాల పాలిట యమపాశంగా మారనుంది. ముసీ తీరంలో గూడు కట్టుకున్న 1400 కుటుంబాలకు ఇప్పుడు కంటిమీద కునుకు లేదు. హైడ్రా చేతిలో ఈ డేటా ఉందంటే ఎప్పుడు ఏ JCB వచ్చి తలుపు తడుతుందోనన్న భయం గుండెల్లో రైళ్లు పరిగెత్తిస్తోంది. కట్టుకున్న ఇల్లు ఎప్పుడు కూలుతుందేమోనని సామాన్యుడు విలవిల్లాడుతున్నాడు.
News March 17, 2026
GNT: నాటకరంగ దిగ్గజం పెద్ది రామారావు
రచయిత పెద్ది రామారావు గుంటూరు జిల్లా ఉన్నవ గ్రామంలో 1973 మార్చి 17న జన్మించారు. ఆయన హైదరాబాద్ విశ్వవిద్యాలయంలో నాటకరంగంలో పీహెచ్డీ చేశారు. దూరదర్శన్లో ప్రసారమైన ప్రసిద్ధ ‘ఋతురాగాలు’ సీరియల్కు ఆయన మాటల రచయితగా పనిచేశారు. ‘యవనిక’ అనే నాటక మాసపత్రికను నడిపి నాటకరంగానికి ఎనలేని సేవ చేశారు. చిరంజీవి ‘అందరివాడు’, ఎన్టీఆర్ ‘అశోక్’ సినిమాలకు ఆయన సహ రచయితగా కూడా వ్యవహరించారు.
News March 17, 2026
కృష్ణా: 82 అంగన్వాడీ పోస్టులకు నేడే చివరి తేదీ
కృష్ణా జిల్లాలోని బందరు, బంటుమిల్లి, పామర్రు, గుడివాడ, కంకిపాడు, మొవ్వ, గన్నవరం, అవనిగడ్డ ప్రాజెక్టులలో మొత్తం 82 అంగన్వాడీ పోస్టులు భర్తీ చేయనున్నట్లు అధికారులు తెలిపారు. 21-35 ఏళ్ల మధ్య వయస్సు కలిగి 10వ తరగతి ఉత్తీర్ణులైన వివాహిత మహిళలు అర్హులన్నారు. ఈ నెల 17లోపు దరఖాస్తులు సమర్పించాలని సూచించారు. ఇతర వివరాలకు సంబంధిత ఐసీడీఎస్ కార్యాలయాలను సంప్రదించాలని పేర్కొన్నారు.