News September 30, 2024
జాగ్రత్త..ఉమ్మడి జిల్లాలో పెరుగుతున్న గుండె సమస్యలు
ఉమ్మడి మహబూబ్ నగర్ జిల్లాలో గుండె సంబంధిత సమస్యలతో బాధపడే వారు రోజురోజుకు పెరుగుతున్నారు. గతంలో 50 ఏళ్లు దాటిన వారికి మాత్రమే వచ్చేది. నేటి జీవనశైలితో 20-70 ఏళ్ల వారికి గుండెపోటు వస్తోంది.100 మంది రోగుల్లో 70% మంది గుండె సంబంధిత వ్యాధులతో బాధపడుతున్నారు. కరోనా తర్వాత గుండె సమస్యలు పెరిగాయని, చికెన్, మసాలాతో కూడిన ఆహారం తినరాదని నిపుణులు తెలిపారు. నేడు వరల్డ్ హార్ట్ సందర్భంగా ప్రత్యేక కథనం.
Similar News
News October 11, 2024
కమిటీలు ఏర్పాటు చేయాలి: గద్వాల కలెక్టర్
గ్రామపంచాయతీలు మునిసిపాలిటీలో ఇందిరమ్మ ఇండ్ల పనుల పురోగతిపై పర్యవేక్షణ చేసేందుకు ప్రత్యేక కమిటీలు ఏర్పాటు చేయాలని గద్వాల కలెక్టర్ సంతోష్ అడిషనల్ కలెక్టర్లను ఆదేశించారు. శుక్రవారం ఆయన చాంబర్‌లో ఏర్పాటుచేసిన సమావేశంలో మాట్లాడుతూ.. కమిటీలలో స్వయం సహాయక గ్రూప్ మహిళలను సభ్యులుగా చేర్చాలన్నారు. స్థానిక ప్రజలకు అవగాహన కల్పించాలని సూచించారు. ఇండ్ల విషయంలో లబ్ధిదారులకు అవసరమైన సహాయం అందించాలన్నారు.
News October 11, 2024
ఎమ్మెల్యేలంతా వసూల్ రాజాలే: డీకే అరుణ
కాంగ్రెస్ ఎమ్మెల్యేలంతా అక్రమ సంపాదనపై దృష్టిసారించి వసూల్ రాజాలుగా మారారని, ఇప్పటికే ప్రజలు గుర్తించారని MBNR ఎంపీ డీకే అరుణ ఘాటు వ్యాఖ్యలు చేశారు. ధన్వాడ BJP సభ్యత్వ నమోదులో ఆమె పాల్గొని మాట్లాడారు. కేసీఆర్ హాయంలో కాళేశ్వరం పేరుతో దోచుకున్నారని, ఇప్పుడు రేవంత్ రెడ్డి మూసీ ప్రక్షాళన పేరుతో దోచుకుంటున్నారన్నారు.హైడ్రా పేరుతో వసూలుచేసి ఢిల్లీకి సంచులు మోస్తున్నారని ఆమె ఆరోపించారు.
News October 11, 2024
MBNR: సర్పంచ్ ఎన్నికలు.. గ్రామాల్లో సందడి
MBNR, NGKL,GDWL, NRPT,WNP జిల్లాల్లో సర్పంచ్ ఎన్నికల సందడి మొదలైంది. ఇప్పటికే అధికారులు ఓటర్ జాబితా పనిలో నిమగ్నమవగా పోటీ చేయాలనుకునేవారు ముందస్తుగా ప్రణాళికలు సిద్ధం చేసుకుంటున్నారు. ఇప్పటికే తాము ఎన్నికల్లో గెలవాలంటే ఎలాంటి మేనిఫెస్టో రెడీ చేయాలనే దానిపై వ్యూహాలు రచిస్తున్నారు. ఇందుకు ప్రత్యేక చర్చలు జరుపుతున్నట్లు సమాచారం. ఇక మరికొందరు తమ గ్రామంలో ఓటర్ల వివరాలు తెలుసుకునే పనిలో నిమగ్నమయ్యారు.