News February 13, 2025

జాతీయస్థాయి కబడ్డీ పోటీలకు సిద్దిపేట ‘రాణి’

image

జాతీయ స్థాయి మహిళా కబడ్డీ పోటీలకు సిద్దిపేట జిల్లాకు చెందిన క్రీడాకారిణి రాణి ఎంపికైనట్లు సిద్దిపేట జిల్లా కబడ్డీ అసోసియేషన్ జనరల్ సెక్రటరీ శివకుమార్ తెలిపారు. ఇటీవల జరిగిన సెలక్షన్స్‌లో రాష్ట్ర కబడ్డీ జట్టులో రాణి చోటు దక్కించుకుందని చెప్పారు. ఈ సందర్భంగా ఈనెల 14 నుంచి 18వ తేదీ వరకు హరియాణాలో జరిగే జాతీయస్థాయి పోటీల్లో రాణి పాల్గొంటుందని పేర్కొన్నారు.

Similar News

News November 30, 2025

రేపు ఏలూరు జిల్లాలో సీఎం పర్యటన

image

AP: సీఎం చంద్రబాబు రేపు ఏలూరు జిల్లాలో పర్యటించనున్నారు. ఉంగుటూరు మండలం గోపీనాథపట్నంలో ఎన్టీఆర్ భరోసా పెన్షన్లను పంపిణీ చేయనున్నారు. అనంతరం లబ్ధిదారులతో ముఖాముఖి నిర్వహిస్తారు. కాగా ‘పేదలకు సేవలో’ కార్యక్రమంలో నేతలంతా పాల్గొనాలని సీఎం పిలుపునిచ్చారు. నిరంతరం ప్రజల్లో ఉంటేనే మంచి నాయకులుగా రాణిస్తారని చెప్పారు. ఇవాళ ఆయన అందుబాటులో ఉన్న నాయకులతో టెలికాన్ఫరెన్స్‌లో మాట్లాడారు.

News November 30, 2025

ప్రకాశం జిల్లాలో వారికి సెలవులు రద్దు

image

దిత్వా తుఫాన్ నేపథ్యంలో ప్రకాశం జిల్లాలోని విద్యుత్తు శాఖ సిబ్బందికి 3రోజులు సెలవులు రద్దు చేశామని ఎస్ఈ కట్టా వెంకటేశ్వర్లు వెల్లడించారు. ఒంగోలులోని విద్యుత్ భవన్‌లో ఆదివారం ఆయన మాట్లాడుతూ.. విద్యుత్ వినియోగదారులు జాగ్రత్తలు తీసుకోవాలని కోరారు. వర్షాల సమయంలో మోటార్లు, స్తంభాల వద్దకు వెళ్లకుండా ఉండడమే మంచిదని సూచించారు. అత్యవసర సమయాల్లో 9440817491కు కాల్ చేయాలని కోరారు.

News November 30, 2025

మర్రిగూడ: హెచ్చరిక.. మా ఓటు డబ్బుకు, మద్యానికి అమ్ముకోము

image

మర్రిగూడ మండలం నేటి చందాపురంలో పగిళ్ల రామచంద్ర దంపతులు మా ఓటు డబ్బుకు, మద్యానికి అమ్ముకోమని తమ ఇంటి ప్రహరీపై హెచ్చరిక బోర్డు ఏర్పాటు చేశారు. ఓటు అడగడానికి వచ్చే సర్పంచి, వార్డు మెంబర్ అభ్యర్థులు బోర్డు చదివి ఇంట్లోకి రావాలన్నారు. ఇది చూసిన కొంతమంది గ్రామస్థులు ఆ కుటుంబ సభ్యులను శాలువాతో సన్మానించారు. ఈ కార్యక్రమంలో ఏర్పుల యాదయ్య, గణేష్ సాయి పాల్గొన్నారు.