News January 25, 2025
జిత్తు కోసం ప్రత్యేక టీం దింపుతాం: సీఐ రమేశ్
యాదగిరిగుట్టలో జై భవాని జ్యువెలరీ యజమాని జిత్తు సుమారు రూ. 10 కోట్ల నగదు, బంగారంతో ఉడాయించినట్లు తెలుస్తోంది. జిత్తు ది గుజరాత్ కాగా.. బాధితులంతా తాము కుదువపెట్టిన బంగారం రసీదులతో పాటు నగదు రసీదులతో పోలీస్ స్టేషన్లో ఫిర్యాదు చేస్తున్నారు. బాధితుల ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు సీఐ రమేశ్ తెలిపారు. జిత్తు కోసం ప్రత్యేక టీంను రంగంలోకి దింపి బాధితులకు న్యాయం చేస్తామన్నారు
Similar News
News November 30, 2025
మక్తల్: CM పర్యటన పటిష్ఠ బందోబస్తు- ఎస్పీ
మక్తల్ పట్టణంలో సోమవారం సీఎం రేవంత్ రెడ్డి పర్యటన సందర్భంగా పటిష్ఠ భద్రతా ఏర్పాట్లు చేసినట్లు జిల్లా ఎస్పీ డాక్టర్ వినీత్ తెలిపారు. జ్యోతిబాపూలే బాలుర వసతి గృహంలో ఇతర జిల్లాల పోలీసులతో పాటు స్థానిక పోలీసులను బందోబస్తు విధుల్లో నియమించామన్నారు. సీఎం పర్యటన సందర్భంగా ఎలాంటి అవాంఛనీయ ఘటనలకు తావు లేకుండా చూడాలని ఎస్పీ ఆదేశించారు.
News November 30, 2025
రాష్ట్ర హక్కుల కోసం పోరాడండి: YS జగన్
AP: పార్లమెంటులో రాష్ట్ర హక్కుల కోసం పోరాడాలని YCP అధినేత జగన్ పార్టీ MPలకు సూచించారు. రేపటి నుంచి ప్రారంభం కానున్న పార్లమెంటు శీతాకాల సమావేశాల్లో.. మొంథా తుఫాన్ వల్ల పంట నష్టం, మద్దతు ధర, రైతులపై ఆర్థిక భారం వంటివి ప్రధాన సమస్యలుగా చర్చించాలన్నారు. విశాఖ స్టీల్ ప్లాంట్ ప్రైవేటీకరణ, సంక్షేమ హాస్టళ్లలో పరిస్థితులు, పోలీస్ వ్యవస్థ దుర్వినియోగంపైనా ఎంపీలు తమ గళం వినిపించాలని ఆదేశించారు.
News November 30, 2025
MHBD: ఊరి కోసం ఉద్యోగానికి రాజీనామా!
మహబూబాబాద్ మండలం సొమ్ల తండాకు చెందిన భూక్య కౌసల్య గ్రామానికి సేవ చేయడం కోసం తన అంగన్వాడీ కార్యకర్త ఉద్యోగానికి రాజీనామా చేశారు. కాంగ్రెస్ మద్దతుతో సర్పంచ్ అభ్యర్థిగా తొలి దశలో నామినేషన్ దాఖలు చేశారు. స్థానిక ఎమ్మెల్యే మురళీ నాయక్ సోదరుడు దల్సింగ్ సతీమణి అయిన కౌసల్య ప్రజాసేవ కోసం 37 ఏళ్లుగా విధులు నిర్వర్తించిన తన వృత్తిని వదులుకున్నారు.