News June 27, 2024

డిప్యూటీ CM పవన్ ఆఫీసులో దురుసు ప్రవర్తన.. సీఐపై వేటు

image

మంగళగిరి CI శ్రీనివాసరావును బదిలీ చేస్తూ రేంజి ఐజీ త్రిపాఠి ఉత్తర్వులు జారీ చేశారు. మంగళగిరిలోని ఆఫీసులో పవన్ వారాహి దీక్ష చేపట్టేందుకు పూజలు చేస్తున్న సమయంలో అనుమతి లేకుండా ఆయన షూతో లోపలికి వెళ్లినట్లు సమాచారం. భద్రతా సిబ్బంది ఆగాలని చెప్పినా దురుసుగా ప్రవర్తించి లోపలికి వెళ్లారని, అందుకే సస్పెండ్ చేసినట్లు కార్యాలయ సిబ్బంది చెప్పారు. ఈయన స్థానంలో బుధవారం <<13513403>>CI వినోద్<<>> బాధ్యతలు స్వీకరించారు.

Similar News

News February 10, 2025

గన్నవరం: భార్య డబ్బులు ఇవ్వలేదని.. భర్త ఆత్మహత్య

image

గన్నవరం మండలంలో ఆదివారం తీవ్ర విషాదం చోటుచేసుకుంది. పోలీసుల వివరాల మేరకు.. వీరపనేనిగూడానికి చెందిన రానిమేకల వీరబాబు (44) మద్యానికి బానిసై, భార్య డబ్బులివ్వలేదని మనస్తాపంతో పురుగుల మందు తాగాడు. అపస్మారక స్థితిలో ఆసుపత్రికి తరలించగా, చికిత్స పొందుతూ విజయవాడ ప్రభుత్వ ఆసుపత్రిలో మృతి చెందాడు. భార్య ఫిర్యాదుతో పోలీసులు అనుమానాస్పద మృతి కింద కేసు నమోదు చేసి దర్యాప్తు చేస్తున్నారు.

News February 10, 2025

కృష్ణా: ‘ఇంటికి రమ్మని చెప్పి.. అఘాయిత్యం’

image

కంచికచర్లలో విద్యార్థినిని బ్లాక్ మెయిల్ చేసి అత్యాచారం చేసిన ఘటన చోటు చేసుకుంది. పోలీసుల కథనం మేరకు.. బీటెక్ చదువుతున్న విద్యార్థిని హుస్సేన్‌, ప్రేమించుకున్నారు. హుస్సేను ఆమెను ఇంటికి రమ్మని పిలిచి తన స్నేహితులను రప్పించి బ్లాక్ మెయిల్ చేసి అత్యాచారం చేశారు. అరుపులు వినపడకుండా టీవీ సౌండ్ పెట్టారు. ఎవరికైనా చెప్తే వీడియోలు బయటపెడతామన్నారు. పోలీసులకు ఫిర్యాదు చేయడంతో నిందితులను అరెస్ట్ చేశారు.

News February 10, 2025

కృష్ణా: ‘మద్యం దుకాణాల లాటరీ వాయిదా’

image

జిల్లాలో MLC ఎన్నికల కోడ్ అమలులో ఉన్న నేపథ్యంలో సోమవారం జరగాల్సిన కల్లుగీత కార్మికుల మద్యం దుకాణాల లాటరీ కార్యక్రమాన్ని తాత్కాలికంగా వాయిదా వేసినట్టు కృష్ణాజిల్లా ఎక్సైజ్ సూపరింటెండెంట్ గంగాధరరావు ఆదివారం ఓ ప్రకటనలో తెలిపారు. జిల్లాలో మొత్తం 12 దుకాణాలను కల్లుగీత కార్మికులకు కేటాయించడం జరిగిందన్నారు. కోడ్ కారణంగా లాటరీ తీసే కార్యక్రమం వాయిదా పడిన నేపథ్యంలో తదుపరి తేదీని త్వరలో తెలియజేస్తామన్నారు.

error: Content is protected !!