News March 4, 2025
డిస్కంల సీఎండీలతో మంత్రి గొట్టిపాటి సమీక్ష
వేసవికాలంలో అధిక వినియోగానికి తగినట్లుగా విద్యుత్ ఉత్పత్తి ఉండేలా చర్యలు తీసుకోవాలని మంత్రి గొట్టిపాటి రవికుమార్ అన్నారు. వేసవిలో విద్యుత్ వినియోగం, వ్యవసాయ కనెక్షన్లు, ఆర్డీఎస్ఎస్ పనుల పురోగతిపై సోమవారం డిస్కంల సీఎండీలతో ఆయన సమావేశం నిర్వహించారు. రానున్న వేసవి కాలంలో రైతులకు 9గంటల ఉచిత విద్యుత్‌ను సరఫరా చేయాలని తెలిపారు.
Similar News
News November 30, 2025
ఉమ్మడి MBNR జిల్లాలో కొనసాగుతున్న చలి తీవ్రత
మహబూబ్‌నగర్ జిల్లాలో గత ఐదు రోజులుగా చలి తీవ్రత కొనసాగుతోంది. గడిచిన 24 గంటల్లో గండీడ్ మండలం సల్కర్‌పేటలో 15.5 డిగ్రీల అత్యల్ప ఉష్ణోగ్రత నమోదైంది. కోయిలకొండ మండలం సిరి వెంకటాపూర్‌లో 15.9 డిగ్రీలు, బాలానగర్‌లో 16.2 డిగ్రీల ఉష్ణోగ్రత నమోదైంది. చలి కారణంగా వృద్ధులు, చిన్నపిల్లలు ఇబ్బందులు పడ్డారు.
News November 30, 2025
MBNR: ఇసుక ట్రాక్టర్ బోల్తా.. బాలుడి మృతి
మిడ్జిల్ మండల కేంద్రంలో శనివారం అర్ధరాత్రి ఇసుక ట్రాక్టర్ బోల్తా పడి శ్రీశాంత్ (17)మృతి చెందాడు. స్థానికులు తెలిపిన వివరాలు.. దుందుభి వాగు నుంచి ఇసుక తరలిస్తుండగా, కేఎల్ఐ కాలువ సమీపంలో ట్రాక్టర్ వరి ధాన్యం కుప్పను ఢీకొట్టి బోల్తా పడింది. ఈ ప్రమాదంలో తీవ్రంగా గాయపడిన శ్రీశాంత్ అక్కడికక్కడే మృతి చెందాడు. ఈ ఘటనతో గ్రామంలో విషాదఛాయలు అలుముకున్నాయి.
News November 30, 2025
కాకినాడలో చికెన్ ధరలు ఇలా
ఆదివారం కావడంతో కాకినాడ జిల్లాలో మాంసం ప్రియులు చికెన్ దుకాణాలకు క్యూ కట్టారు. ప్రస్తుతం సాధారణ చికెన్ కిలో రూ.210, స్కిన్‌లెస్ చికెన్ రూ.210, లైవ్ చికెన్ రూ.140, బోన్‌లెస్ చికెన్ రూ.220, కంట్రీ చికెన్ రూ.360, చికెన్ లివర్ రూ.130గా ఉన్నాయి. గతవారంతో పోలిస్తే ఈ వారం ధరల్లో రూ.10 నుంచి రూ.20 వరకు స్వల్ప మార్పులు కనిపించాయి. మీ ప్రాంతంలో ధరలు ఎలా ఉన్నాయో కామెంట్ చేయండి.