News February 1, 2025
డీజీపీని కలిసిన శ్రీకాకుళం ఎస్పీ
ఆంధ్రప్రదేశ్ రాష్ట్ర నూతన డీజీపీగా హరీశ్ కుమార్ గుప్తా ఇటీవల బాధ్యతలు చేపట్టిన విషయం తెలిసిందే. ఈ మేరకు ఆయన్ను మంగళగిరిలోని రాష్ట్ర పోలీసు ప్రధాన కార్యాలయంలో జిల్లా ఎస్పీ మహేశ్వర రెడ్డి మర్యాద పూర్వకంగా కలిసి, పుష్పగుచ్చాన్ని అందజేశారు. అనంతరం శుభాకాంక్షలు తెలిపారు. శ్రీకాకుళం జిల్లాలోని శాంతిభద్రతలకు తీసుకున్న చర్యలను ఎస్పీ డీజీపీకి తెలియజేశారు.
Similar News
News November 29, 2025
వజ్రపుకొత్తూరు: కోతల అనంతరం చేతి ‘కందే’ లా!
జిల్లాలో ప్రధానంగా సాగు చేసే వరి పంట దాదాపుగా కోత దశలో ఉంది. అయితే ముందుచూపుతో గట్లపై అంతర పంటగా కంది సాగు చేయడంతో ఇప్పుడు ఏపుగా పెరిగి రైతన్నల్లో ఆశలు రేకెత్తిస్తోంది. నీటి లభ్యత తక్కువగా ఉన్న ప్రాంతంలో కూడా మంచు కురుస్తుండటంతో కంది పంటకు ఢోకా లేదని అన్నదాతలు ఆశాభావం వ్యక్తం చేస్తున్నారు. కొందరు రైతులు కంది, బంతి, చామంతి పూలు, పాదు రకాల కాయకూరలు పండిస్తూ రోజు వారీ ఆదాయం సంపాదిస్తున్నారు.
News November 29, 2025
శ్రీకాకుళం: కానిస్టేబుల్‌ను ఈడ్చికెళ్లిన ఆటో.. డ్రైవర్‌కు జైలు శిక్ష
శ్రీకాకుళంలో ట్రాఫిక్ విధుల్లో ఉన్న కానిస్టేబుల్‌ను మురళీకృష్ణను ఆటోతో డ్రైవర్ శ్రీనివాసరావు ఈడ్చుకొని వెళ్లిన ఘటనపై కేసు నమోదు చేశామని ట్రాఫిక్ సీఐ రామారావు తెలిపారు. మురళీకృష్ణకు గాయాలు కాగా డ్రైవర్‌ను మెజిస్ట్రేట్ శివరామకృష్ణ వద్ద హాజరుపరచగా 7 రోజుల జైలు శిక్ష విధించినట్లు చెప్పారు. శ్రీనివాసరావును సబ్ జైలుకు తరలించినట్లు చెప్పారు. రహదారిపై ఇష్టమొచ్చినట్లు ప్రవర్తిస్తే చర్యలు తప్పవన్నారు.
News November 29, 2025
శ్రీకాకుళం: సైబర్ సెక్యూరిటీ కోర్సుల్లో దరఖాస్తుల ఆహ్వానం
శ్రీకాకుళంలోని బలగ ప్రభుత్వ DLTC ITIలో APSSDC ఆధ్వర్యంలో ఎలక్ట్రీషియన్, సైబర్ సెక్యూరిటీ కోర్సుల్లో 3 నెలలు పాటు ఉచితంగా శిక్షణ ఇస్తున్నట్లు అసిస్టెంట్ డైరెక్టర్ రామ్మోహన్ రావు శుక్రవారం పేర్కొన్నారు. ఎలక్ట్రీషియన్‌కు పదోతరగతి, సైబర్ సెక్యూరిటీ కోర్సుకు ఇంటర్‌తో పాటుగా డిప్లొమా, డిగ్రీ ఆపై చదువుకున్న అభ్యర్థులు అర్హులన్నారు. డిసెంబర్ 8 లోపు దరఖాస్తులు బలగలోని తమ కార్యాలయంలో అందజేయాలన్నారు.