News July 26, 2024

డోర్నకల్: భర్త మరణాన్ని తట్టుకోలేక భార్య మృతి

ముల్కలపల్లి గ్రామంలో విషాదం చోటుచేసుకుంది. గ్రామానికి చెందిన సత్తి ముత్తయ్య(86) కొద్ది కాలంగా అనారోగ్యంతో బాధపడుతూ బుధవారం రాత్రి మరణించాడు. గురువారం ముత్తయ్య అంత్యక్రియలు చేసేందుకు సిద్ధమవుతుండగా ఆయన మరణాన్ని తట్టుకోలేక భార్య యశోదమ్మ(80) గుండెపోటుతో కుప్పకూలిపోయారు. వెంటనే స్థానికులు ఖమ్మం ఆస్పత్రికి తరలించగా అప్పటికే మృతి చెందింది. దీంతో గ్రామంలో విషాద ఛాయలు అలుముకున్నాయి.