News March 29, 2025
తాండూర్ ఎంపీడీవో గదిలో పాము కలకలం
వికారాబాద్ జిల్లా తాండూర్ మండల పరిషత్ కార్యాలయంలోని ఎంపీడీవో గదిలో గురువారం పాము ప్రత్యక్షమైంది. అటెండర్ రోజూలానే గదిని శుభ్రం చేసేందుకు వెళ్లగా పాము కనిపించింది. దీంతో సిబ్బందికి సమాచారం ఇవ్వగా చంపేశారు. కార్యాలయ పరిసరాల్లో పిచ్చి మొక్కలు, ముళ్లపొదలు ఉండటంతో విష సర్పాలు సంచరిస్తున్నాయని సిబ్బంది చెబుతున్నారు. కార్యాలయాల్లో పరిసరాలను పరిశుభ్రం చేయాలని పలువురు కోరుతున్నారు.
Similar News
News November 29, 2025
భీమవరం: 26 కంపెనీలు.. 3 వేల ఉద్యోగాలు
యువతకు ఉపాధి కల్పనే ధ్యేయంగా భీమవరం ఎస్.ఆర్.కె.ఆర్ కళాశాల వేదికగా శనివారం ‘మెగా జాబ్ మేళా’ జరగనుంది. ఏపీ నైపుణ్యాభివృద్ధి సంస్థ ఆధ్వర్యంలో నిర్వహించే ఈ మేళాలో 26 ప్రముఖ కంపెనీలు పాల్గొని, సుమారు 3 వేల పోస్టులను భర్తీ చేయనున్నాయి. పదో తరగతి ఆపై చదివి, 18-35 ఏళ్ల మధ్య వయసున్న అభ్యర్థులు అర్హులని జిల్లా నైపుణ్యాభివృద్ధి అధికారి లోకమాన్‌ తెలిపారు. ఈ అవకాశాన్ని సద్వినియోగం చేసుకోవాలని ఆయన కోరారు.
News November 29, 2025
ధర్మపత్ని శ్లోకం మాత్రమే ఎందుకు ఫేమస్?
ఉత్తమ భర్తకు సంబంధించిన ‘కార్యేషు యోగీ’ కంటే, ధర్మపత్ని లక్షణాలు చెప్పే ‘కార్యేషు దాసీ’ శ్లోకం ఎక్కువ ప్రాచుర్యం పొందింది. అందుకు కారణం మన భారతీయ సంస్కృతిలో స్త్రీ శక్తి, త్యాగం, కుటుంబంలో ఆమె పాత్రకు చాలా విలువనిస్తారు. అయితే ఉత్తమ భర్త లక్షణాలను వ్యక్తిత్వానికి సంబంధించినవిగా, సహజంగా పాటించవలసిన కనీస కర్తవ్యాలుగా పరిగణిస్తారు. అందుకే వాటిని ప్రత్యేకంగా ఘనంగా చాటి చెప్పాల్సిన అవసరం రాలేదు.
News November 29, 2025
భారత్ డైనమిక్స్ లిమిటెడ్(BDL)లో ఉద్యోగాలు
HYDలోని భారత్ డైనమిక్స్ లిమిటెడ్ 80 మేనేజ్‌మెంట్ ట్రైనీ పోస్టులకు నోటిఫికేషన్ విడుదల చేసింది. అర్హతగల అభ్యర్థులు DEC 3 – DEC 29 వరకు అప్లై చేసుకోవచ్చు. పోస్టును బట్టి BE, B.Tech, MSc(కెమిస్ట్రీ), MBA, CA/ICWAI, PG డిప్లొమా, M.Com ఉత్తీర్ణులు అర్హులు. అభ్యర్థుల గరిష్ఠ వయసు 27ఏళ్లు. రాత పరీక్ష, ఇంటర్వ్యూ ద్వారా ఎంపిక చేస్తారు. నెలకు జీతం రూ.40,000-రూ.1,40,000 చెల్లిస్తారు. వెబ్‌సైట్:bdl-india.in