News March 29, 2025

తారువలో వడదెబ్బతో మహిళ మృతి

వడదెబ్బతో మహిళ మృతి చెందిన సంఘటన శుక్రవారం దేవరాపల్లి మండలం తారువ గ్రామంలో చోటుచేసుకుంది. తారువ గ్రామానికి చెందిన కిల్లి కాసమ్మ (59) తన పొలంలో పనులు చేస్తుండగా ఉదయం 11:30 ప్రాంతంలో ఎండ తీవ్రత అధికంగా ఉండటంతో వడ దెబ్బకు గురై ఒక్కసారిగా కుప్ప కూలిపోయారు. 108లో కె.కోటపాడు ఆసుపత్రికి తీసుకెళ్లగా స్థానిక వైద్యులు వైద్య పరీక్షలు చేసి మృతి చెందినట్లు నిర్ధారించారని కుటుంబీకులు తెలిపారు.