News January 27, 2025
తాళ్లరేవు: చనిపోయి మరో ఇద్దరికి చూపునిచ్చిన మహిళ
ప్రముఖ దినపత్రికలో తాళ్లరేవు మండల విలేకరిగా వూడా వెంకటరమణ పనిచేస్తున్నారు. ఆయన సతీమణి హేమవతి(45) ఆదివారం మృతి చెందారు. ఈ మేరకు వెంకటరమణ తన శ్రీమతి నేత్రాలను కాకినాడ బాదం బాలకృష్ణ ఐ బ్యాంకుకు దానమిచ్చారు. చనిపోయి ఆమె ఇద్దరికి చూపునిచ్చిందని మాజీ ఎమ్మెల్యే చెల్లి వివేకానంద అభినందించారు. సతీ వియోగంతో బాధపడుతున్న విలేకరి వెంకటరమణను తాళ్లరేవు ప్రెస్ క్లబ్ ప్రతినిధులు పరామర్శించారు.
Similar News
News December 3, 2025
దువ్వూరు: ఎర్రచందనం దొంగపై నాలుగోసారి PD యాక్ట్
దువ్వూరు మండలం పుల్లారెడ్డిపేటకు చెందిన ఎర్రచందనం దొంగ ఇరుగంరెడ్డి నాగ దస్తగిరి రెడ్డిపై నాలుగోసారి పీడీ యాక్ట్ నమోదైనట్లు మైదుకూరు గ్రామీణ సీఐ శివశంకర్ యాదవ్ తెలిపారు. నాగ దస్తగిరి రెడ్డిపై ఇప్పటివరకు మొత్తం 128 కేసులు ఉన్నాయని అన్నారు. వీటిలో ఎర్రచందనం అక్రమ రవాణాకు సంబంధించి 80, మరో 38 చోరీ కేసులు ఉన్నాయని చెప్పారు. ఈయన ప్రస్తుతం కడప కేంద్ర కారాగారంలో ఖైదీగా శిక్ష అనుభవిస్తున్నాడని తెలిపారు.
News December 3, 2025
WGL: కుక్కలు వెంబడించి.. యువకుడి దుర్మరణం
వరంగల్ జిల్లాలో విషాదం జరిగింది. గీసుగొండ మండలం ఎలుకుర్తి హవేలీ గ్రామానికి చెందిన శివకుమార్ (గుడ్డు) మచ్చాపూర్ వద్ద మంగళవారం అర్ధరాత్రి జరిగిన రోడ్డు ప్రమాదంలో మృతి చెందారు. రోడ్డు ప్రమాదానికి వీధి కుక్కలు వెంబడించడమే కారణమని కుటుంబ సభ్యులు చెబుతున్నారు. శివకుమార్ మరణంతో కుటుంబ సభ్యులు తీవ్ర దుఃఖంలో మునిగిపోయారు.
News December 3, 2025
NZB: రెండో విడత సర్పంచ్ పదవులకు 1,178 నామినేషన్లు
NZB జిల్లాలో జరగబోయే రెండో విడత GP ఎన్నికల సర్పంచ్ పదవులకు మంగళవారం 196 నామినేషన్లు రాగ మొత్తం 1,178 నామినేషన్లు దాఖలైనట్లు అధికారులు తెలిపారు. ఇందులో ధర్పల్లి మండలంలోని 22 GP లకు 114, డిచ్పల్లి(M) 34 GPలకు 183, ఇందల్వాయి(M)23 GPలకు 136, మాక్లూర్ (M)26 GPలకు 161, మోపాల్ (M) 21 GPలకు 158, NZB రూరల్(M) 19 GPలకు 113, సిరికొండ (M)30 GPలకు 148, జక్రాన్ పల్లి (M) 21 GPలకు 165 నామినేషన్లు వచ్చాయన్నారు.