News March 11, 2025
తిరుపతి: 25న స్పాట్ అడ్మిషన్లు
తిరుపతి శ్రీపద్మావతి మహిళ విశ్వవిద్యాలయం సెంటర్ ఫర్ డిస్టెన్స్ అండ్ ఆన్లైన్ ఎడ్యుకేషన్ (CDOE) దూరవిద్యా విభాగంలో ఈ 25వ తేదీన స్పాట్ అడ్మిషన్లు నిర్వహించనున్నారు. M.Com, M.A తెలుగు, M.A మ్యూజిక్, వివిధ డిప్లొమా కోర్సులు అందుబాటులో ఉన్నాయని అధికారులు తెలిపారు. మరిన్ని వివరాలకు www.spmvv.ac.in చూడాలి.
Similar News
News April 17, 2026
ఆసుపత్రిలో వైద్యులు ఎల్లప్పుడూ అందుబాటులో ఉండాలి: కలెక్టర్
సమీకృత జిల్లా కలెక్టరేట్లో గోదావరిఖని జనరల్ ఆసుపత్రి పనితీరుపై నిర్వహించిన సమీక్షలో కలెక్టర్ కోయ శ్రీ హర్ష వైద్యులు ఎల్లప్పుడూ అందుబాటులో ఉండాలని ఆదేశించారు. ఓపీ అనంతరం కూడా విధుల్లో ఉండాలని, ఖాళీలను కాంట్రాక్ట్ ద్వారా భర్తీ చేయాలని సూచించారు. అవసరం లేకుండా ప్రైవేట్ ఆసుపత్రులకు రిఫర్ చేయరాదని స్పష్టం చేశారు. మందులు, పరికరాల కొరత లేకుండా స్టాక్ నిర్వహణ చేయాలని పేర్కొన్నారు.
News April 17, 2026
ఫ్రిజ్ను ఆఫ్ చేస్తున్నారా?
ఫ్రిజ్ను తరచూ ఆన్ ఆఫ్ చేస్తే కంప్రెసర్పై ఒత్తిడి పెరిగి దాని లైఫ్ స్పాన్ తగ్గిపోతుందని నిపుణులు చెబుతున్నారు. ఒకట్రెండు రోజులు బయటికెళ్తున్నా, రిఫ్రిజరేటర్లో పాలు, పెరుగు, పండ్లు, కూరగాయలు ఉన్నా ఆఫ్ చేయొద్దని సూచిస్తున్నారు. వారాలపాటు మీరు ఇంట్లో లేకపోతే ఫ్రిజ్ను పూర్తిగా ఖాళీ చేసి ఆఫ్ చేయొచ్చని పేర్కొంటున్నారు. ట్రేలను శుభ్రం చేసి ఆరబెట్టాలని, లేదంటే ఫ్రిజ్ దుర్వాసన వస్తుందంటున్నారు.
News April 17, 2026
BJP రాజకీయంతోనే బిల్లు వీగింది: KTR
TG: డీలిమిటేషన్ అంశాన్ని ముడిపెట్టడంతోనే మహిళా రిజర్వేషన్ల బిల్లు వీగిపోయిందని కేటీఆర్ విమర్శించారు. BRS సహా అన్ని పార్టీలు మహిళా రిజర్వేషన్లకు సానుకూలంగా ఉన్నా.. BJP రాజకీయంతోనే బిల్లు వీగిందని ఆరోపించారు. ప్రస్తుతం ఉన్న 543 లోక్సభ సీట్లతోనే రిజర్వేషన్లను అమలు చేసి ఉంటే ఎటువంటి సమస్య వచ్చేది కాదన్నారు. ఇప్పటికైనా వెంటనే డీలిమిటేషన్ అంశంతో సంబంధం లేకుండా కొత్త బిల్లు తేవాలని డిమాండ్ చేశారు.