News August 4, 2024

తిరుమలకు వచ్చే వృద్ధులకు అలర్ట్

టోకెన్లు లేకున్నా రోజూ వయోవృద్ధులను శ్రీవారి దర్శనానికి నేరుగా అనుమతిస్తున్నారని కొందరు ప్రచారం చేశారు. దీనిని టీటీడీ ఖండించింది. ‘రోజుకు 1000 మంది చొప్పున వయోవృద్ధులు, దివ్యాంగుల కోసం ప్రతి నెలా 23వ తేదీ మధ్యాహ్నం 3 గంటలకు మూడు నెలల ముందుగానే ఆన్‌లైన్ కోటా విడుదల చేస్తాం. అలా బుక్ చేసుకున్న టోకెన్లతో వచ్చిన వారినే దర్శనానికి అనుమతిస్తాం. టోకెన్లు లేని వారికి అనుమతి లేదు’ అని TTD స్పష్టం చేసింది.