News November 3, 2024

తిరుమలలో భారీ రద్దీ.. భక్తుల అవస్థలు

తిరుమల శ్రీవారి దర్శనానికి నేడు భక్తులు పోటెత్తారు. ఆదివారం కావడంతోపాటు దీపావళి సెలవులు ముగియడంతో పెద్ద ఎత్తున కొండ మీదకి తరలి వెళ్లారు. దీంతో ప్రధాన కంపార్ట్‌మెంట్లన్నీ నిండి భారీగా క్యూ లైన్ ఏర్పడింది. సుమారు ఆరు గంటల నుంచి ఆహారంతోపాటు నీటి సదుపాయం కూడా లేదని పలువురు చిన్న పిల్లల తల్లులు తీవ్ర ఆవేదన వ్యక్తం చేశారు. టీటీడీ సిబ్బంది స్పందించాలని వారు కోరారు.