News March 6, 2025
‘తీన్మార్ మల్లన్న ఏది మాట్లాడినా.. సీఎం వివరణ ఇవ్వాలి’
తీన్మార్ మల్లన్న, రేవంత్ రెడ్డికి అత్యంత సన్నిహితుడని మాజీ ఎంపీ మధుయాష్కీ గౌడ్ అన్నారు. రేవంత్ టీపీసీసీ చీఫ్‌, సీఎం కావాలని తీన్మార్ మల్లన్న బలంగా కోరుకున్నారని తెలిపారు. ఉత్తమ్ కుమార్ రెడ్డి నేతృత్వంలో పార్టీ బలహీనపడుతుందనే కారణంగా రేవంత్‌కు టీపీసీసీ పదవి ఇవ్వాలని మల్లన్న కోరారని చెప్పారు. తీన్మార్ మల్లన్న ఏది మాట్లాడినా దానికి వివరణ రేవంత్ రెడ్డి ఇవ్వాలన్న వ్యాఖ్యలు ఆసక్తి రేపుతున్నాయి.
Similar News
News November 30, 2025
గంజాయి కేసులో హత్య కేసు నిందితురాలు కామాక్షి అరెస్ట్
సీపీఎం కార్యకర్త పెంచలయ్య దారుణ హత్య కేసులో కీలక నిందితురాలు అరవ కామాక్షిని పోలీసులు గంజాయి కేసులో ఆదివారం అరెస్టు చేశారు. బోడి గాడి తోటలోని కామాక్షి నివాసంలో పోలీసులు తనిఖీలు చేపట్టగా.. అక్కడ 25 కేజీల గంజాయిని గుర్తించి సీజ్ చేశారు. నవాబుపేట పోలీస్‌స్టేషన్లో జరిగిన మీడియా సమావేశంలో DSP మాట్లాడుతూ.. గంజాయి కేసులో కామాక్షిని అరెస్టు చేశామన్నారు.
News November 30, 2025
నామినేషన్ ప్రక్రియ సజావుగా నిర్వహించాలి: కలెక్టర్ ఆదర్శ్ సురభి
గ్రామపంచాయతీ ఎన్నికల నామినేషన్ స్వీకరణ ప్రక్రియ ఎలాంటి పొరపాట్లకు తావు లేకుండా, సజావుగా నిర్వహించాలని వనపర్తి జిల్లా కలెక్టర్ ఆదర్శ్ సురభి రిటర్నింగ్ అధికారులకు ఆదేశించారు. మదనాపూర్ మండల కేంద్రంలో నామినేషన్ల స్వీకరణ ప్రక్రియను కలెక్టర్ సందర్శించారు. కలెక్టర్ మాట్లాడుతూ..అన్ని నామినేషన్ స్వీకరణ కేంద్రాల్లో ఫారం 1 ప్రచురణ చేశారా లేదా అని తనిఖీ చేశారు. అధికారులు పాల్గొన్నారు.
News November 30, 2025
పోచంపల్లిలో అత్యల్ప ఉష్ణోగ్రత
ఉమ్మడి నల్గొండ జిల్లాలో శీతల గాలులు వీస్తున్నాయి. రెండు రోజులుగా ఉష్ణోగ్రతలు భారీగా పడిపోవడంతో ప్రజలు చలికి వణికిపోతున్నారు. శనివారం ఉదయం యాదాద్రి జిల్లా పోచంపల్లిలో అత్యల్పంగా 12.1 డిగ్రీల ఉష్ణోగ్రత నమోదైంది. నల్గొండ చర్లపల్లిలో 12.6, సూర్యాపేట జిల్లా తుంగతుర్తిలో 13.9 డిగ్రీల ఉష్ణోగ్రత నమోదైంది. గడ్డకట్టించే వాతావరణం ఉండటంతో నిత్యావసరాల కోసం తప్ప ప్రజలు ఇళ్ల నుంచి బయటకు రావడం లేదు.