News March 12, 2025
తుంగతుర్తి పోలీస్ స్టేషన్లో యువకుడి ఆత్మహత్యాయత్నం
తుంగతుర్తి PSలో ఓ వ్యక్తి ఆత్మహత్యాయత్నం చేశాడు. ఎస్సై క్రాంతి కుమార్ వివరాలిలా.. రావులపల్లికి చెందిన నాగయ్య అడ్డగూడూరు మం. లక్ష్మీకాల్లపల్లికి చెందిన యువతితో పెళ్లైంది. గొడవల కారణంగా అతని భార్య పుట్టింటికి వెళ్లింది. నాగయ్య అత్తావారింటికి వెళ్లడంతో ఘర్షణ జరగ్గా, వారు PSలో ఫిర్యాదు చేశారు. ఈ క్రమంలో PSకు చేరుకున్న నాగయ్య పెట్రోల్ పోసుకుని సూసైడ్ అటెంప్ట్ చేశాడు. అతణ్ని ఆస్పత్రికి తరలించారు.
Similar News
News January 14, 2026
రేపు, ఎల్లుండి విజయ్ హజారే ట్రోఫీ సెమీఫైనల్స్
విజయ్ హజారే ట్రోఫీలో పంజాబ్, విదర్భ, కర్ణాటక, సౌరాష్ట్ర జట్లు సెమీఫైనల్స్కు అర్హత సాధించాయి. నిన్నటి క్వార్టర్ఫైనల్లో పంజాబ్ 183 పరుగుల తేడాతో MPపై ఘన విజయం సాధించింది. మరో మ్యాచ్లో విదర్భ 76 పరుగులతో ఢిల్లీని ఓడించింది. దీంతో రేపు జరిగే సెమీఫైనల్లో విదర్భ-కర్ణాటక తలపడనుండగా, ఎల్లుండి పంజాబ్-సౌరాష్ట్ర మధ్య మ్యాచ్ జరగనుంది. ఈ రెండు మ్యాచ్లలో విజయం సాధించిన టీమ్లు 18న ఫైనల్లో తలపడనున్నాయి.
News January 14, 2026
20న పోలీస్ కమిషనరేట్లో కైట్ ఫెస్టివల్
రోడ్డు భద్రతపై అవగాహన కల్పించేందుకు సిద్దిపేట పోలీస్ కమిషనరేట్ ఆధ్వర్యంలో ఈ నెల 20న భారీ కైట్ ఫెస్టివల్ నిర్వహించనున్నారు. ‘అరైవ్ అలైవ్’ (#ArriveAlive) ప్రచారంలో భాగంగా ఈ వేడుకను ఏర్పాటు చేసినట్లు అధికారులు తెలిపారు. గాలిపటాలు ఎగురవేస్తూనే ప్రయాణ భద్రతపై అవగాహన పెంచుకోవడమే దీని ముఖ్య ఉద్దేశమని పేర్కొన్నారు. ఆకాశంలో గాలిపటంలాగే మన ప్రయాణం కూడా సురక్షితంగా సాగాలని అధికారులు ఆకాంక్షించారు.
News January 14, 2026
ADB: చైనా మాంజా తగిలి వ్యక్తికి తీవ్ర గాయాలు
చైనా మాంజా తగిలి వ్యక్తికి తీవ్ర గాయాలైన ఘటన ఆదిలాబాద్లోని నేషనల్ మార్ట్ సమీపంలో చోటుచేసుకుంది. జూబ్లీహిల్స్ కాలనీలో నివాసం ఉంటున్న సంతోష్ మంగళవారం సాయంత్రం విధులు ముగించుకుని ఇంటికి వెళ్తున్నాడు. ఈ క్రమంలో ప్రమాదం జరిగిందని కాలనీవాసులు తెలిపారు. ఈ మేరకు అతడిని రిమ్స్ ఆస్పత్రికి తరలించి చికిత్స అందిస్తున్నారు.