News November 27, 2024
తుగ్గలి: భార్య గొంతుకోసి హత్య చేసిన భర్త
తుగ్గలి మండలం రాంపల్లి గ్రామంలో దారుణ హత్య చోటు చేసుకుంది. సరోజ (35) అనే మహిళను భర్త గొంతు కోసి హత్య చేసినట్లు పోలీసులు తెలిపారు. భార్యపై అనుమానంతో ఈ అఘాయిత్యానికి ఒడిగట్టినట్లు గ్రామస్థులు పేర్కొన్నారు. మృతురాలు సరోజకు ఇద్దరు కుమారులు ఉన్నారు. తుగ్గలి పోలీసులు ఈ ఘటనపై దర్యాప్తు చేస్తున్నారు.
Similar News
News November 28, 2024
పర్యవేక్షణ అధికారులపై చర్యలు తప్పవు: కర్నూలు డీఈవో
జిల్లా వ్యాప్తంగా FA మార్కుల నమోదులో జాప్యం చేస్తున్న పర్యవేక్షణ అధికారులపై చర్యలు తప్పవని జిల్లా విద్యాశాఖ అధికారి సామ్యూల్ పాల్ హెచ్చరించారు. బుధవారం డీఈఓ కార్యాలయం నుంచి పర్యవేక్షణ అధికారులతో వీడియో కాన్ఫరెన్స్ నిర్వహించారు. జిల్లా వ్యాప్తంగా ప్రభుత్వ పాఠశాలలు 71% ప్రైవేట్ పాఠశాలలు 75%, ఎయిడెడ్ పాఠశాలలు 65%, కర్నూలు, ఆదోని, కోసిగి మండలాలు వెనక పడ్డాయన్నారు. 28వ తేదీ లోపు పూర్తి కావాలన్నారు.
News November 27, 2024
మంత్రి ఫరూక్‌ను సత్కరించిన న్యాయవాదులు
కర్నూలులో హైకోర్టు బెంచ్ ఏర్పాటుకు రాష్ట్ర ప్రభుత్వం నిర్ణయం తీసుకోవడాన్ని స్వాగతిస్తూ రాష్ట్ర న్యాయశాఖ మంత్రి ఎన్ఎండీ ఫరూక్‌ను బుధవారం నంద్యాల తెలుగుదేశం పార్టీ ఎన్నికల సెల్ విభాగం న్యాయవాదులు ఘనంగా సత్కరించారు. ఈ సందర్భంగా మంత్రి ఫరూక్ మాట్లాడుతూ.. సీఎం చంద్రబాబు రాయలసీమ అభివృద్ధికి కట్టుబడి ఉన్నారని గుర్తుచేశారు. ప్రత్యేకించి ఎన్నికల్లో ఇచ్చిన హామీలను అమలు చేసినందుకు కృషి చేస్తున్నారన్నారు.
News November 27, 2024
ఐపీఎల్‌లో మన కర్నూలు కుర్రాళ్లెక్కడ?
IPLకు ఉన్న క్రేజ్ వేరు. ప్రతి క్రికెటర్ ఆ టోర్నీలో ఆడాలని కల కంటారు. అలాంటి IPLలో కర్నూలు జిల్లా క్రీడాకారుల భాగస్వామ్యం లేదు. జిల్లాలో యువ క్రికెటర్లు ఉన్నప్పటికీ ఆ స్థాయిలో నైపణ్యాలు లేకపోవడంతో వేలంలో పాల్గొనే అవకాశం కూడా దక్కలేదు. ఇప్పటికైనా జిల్లాలో టాలెంట్ ఉన్న ప్లేయర్లను గుర్తించి ప్రత్యేక శిక్షణ ఇవ్వాల్సిన అవసరం ఉంది. మరోవైపు జిల్లాకు చెందిన అంజలి, అనూష మహిళా క్రికెట్‌లో సత్తా చాటుతున్నారు.