News December 25, 2024
తూ.గో: నెల రోజులుగా సముద్రంలోనే ఆ భారీ నౌక
కాకినాడ పోర్టులో సెల్టా ఎల్ నౌక నెల రోజులుగా పోర్టులోనే చిక్కుకుంది. వరుస తుఫాన్ల కారణంగా నౌకలోని బియ్యాన్ని తీరానికి చేర్చలేకపోతున్నారు. మంగళవారం కూడా వాతావరణం కారణంగా సముద్రం ఉద్ధృతంగా ఉండటంతో పనులు నిలిచిపోయాయి. 1320 మెట్రిక్ టన్నుల బియ్యాన్ని అన్ లోడింగ్ చేసిన తరువాత మరో 12 వేల టన్నుల బియ్యం లోడింగ్ చేయాలసి ఉంది. ఇక్కడి నుంచి బయలుదేరి జనవరి 26కు పశ్చిమ ఆఫ్రికాకు ప్రయాణం చేసి వెళ్లనుంది.
Similar News
News January 21, 2025
అమలాపురం: పోలీసులను ఆశ్రయించిన ప్రేమ జంట
ప్రేమించి పెళ్లి చేసుకున్న ప్రేమ జంట అమలాపురం రూరల్ పోలీసులను మంగళవారం ఆశ్రయించింది. అమలాపురం రూరల్ మండలం సమనస గ్రామానికి చెందిన మధుర వెంకటేష్, కాకినాడ పట్టణానికి చెందిన సబ్బతి ప్రమీలా దేవి ఇష్టపడి ప్రేమ వివాహం చేసుకున్నారు. వివాహం చేసుకున్న అనంతరం ఇరు కుటుంబాల నుంచి తమకు రక్షణ కల్పించాలని కోరుతూ అమలాపురం రూరల్ పోలీసులను కోరారు.
News January 21, 2025
కిర్లంపూడి: రహదారి ప్రమాదంలో స్నేహితుల మృతి
కాకినాడ జిల్లాకు చెందిన దాసరి నిమ్స్ చంద్ర(23), ముక్త దుర్గ బాబు(24)లు బైక్పై వెళ్తుండగా విజయవాడ హైవేపై నిన్న మృతి చెందిన విషయం తెలిసిందే. నిమ్స్చంద్ర తండ్రి ఆటో డ్రైవర్, తల్లి అంగన్ వాడీ కార్యకర్త. కిర్లంపూడికి చెందిన ముక్తదుర్గసాయి తమ్ముడు 10 నెలల క్రితం రోడ్డు ప్రమాదంలో మరణించాడు. ఇప్పుడు కుమారుడి మరణంతో తల్లిదండ్రులు ముత్తా పెద్దకాపు, సరస్వతి విలపిస్తున్న తీరు చూపరులను కంటతడి పెట్టించింది.
News January 21, 2025
గోకవరం: నేరస్థుడికి ఐదేళ్లు జైలు-ఎస్సై
గోకవరం గ్రామానికి చెందిన పిల్లి ఆనందబాబుకు ఐదేళ్ల జైలు రూ.22 వేలు జరిమానాను అడిషనల్ జిల్లా సెషన్స్ జడ్జి శ్రీ లలిత విధిస్తూ తీర్పునిచ్చారు. 2015 సంవత్సరంలో గోకవరానికి చెందిన స్వాతి అనే అమ్మాయిని ప్రేమిస్తున్నానని శారీరకంగా ఇబ్బంది పెట్టడంతో ఆమె ఆత్మహత్య చేసుకుంది. పిల్లి ఆనందబాబుపై పోలీసులు ఎఫ్ఐఆర్ నమోదు చేసి రాజమండ్రి కోర్టులో నేరం రుజువు చేయడంతో శిక్ష పడినట్లు గోకవరం ఎస్సై సోమవారం తెలిపారు.