News May 20, 2024
దాడుల ఘటనలపై 72 మంది అరెస్ట్: బాపట్ల ఎస్పీ
చీరాల నియోజకవర్గంలో ఎన్నికల సందర్భంగా జరిగిన ఘటనలపై కేసు నమోదు చేసి పలువురి అరెస్టు చేసినట్లు ఎస్పీ వకుల్ జిందాల్ తెలిపారు. కూటమి అభ్యర్థి కొండయ్య వాహనంపై దాడి ఘటనపై ఆరుగురిని, మరొక ఘటనపై ఐదుగురిని, అలాగే చీరాల వేటపాలెం మండలంలో చోటు చేసుకున్న ఘటనలపై ఐదు కేసులు నమోదు చేసి 61 మందిని అరెస్ట్ చేయడం జరిగిందన్నారు. శాంతిభద్రతలకు ఎవరైనా విగాథం కలిగిస్తే చర్యలు తప్పవని ఎస్పీ హెచ్చరించారు.
Similar News
News December 2, 2024
ప్రకాశం జిల్లాలో 16,280 మంది HIV రోగులు
రాష్ట్రంలోని 24 జిల్లాల్లో ఎయిడ్స్ వ్యాప్తి అధికంగా ఉన్నట్లు ‘ఏపీ సాక్స్’ తెలిపింది. ఈ మేరకు నివేదిక విడుదల చేసింది. NTR జిల్లాలో అత్యధికంగా 19,865 మంది ఉండగా ప్రకాశం జిల్లాలో 16,280, బాపట్ల జిల్లాలో 11,356 మంది HIV రోగులు ఉన్నట్లు వెల్లడించింది. ఏటా రాష్ట్రంలో 3,510 మంది దీని బారిన పడుతున్నట్లు తెలిపింది. ఇక AP ART సెంటర్ల ద్వారా 2.24లక్షల మంది చికిత్స పొందుతున్నారు.
News December 2, 2024
బల్లికురవ: ఆ తల్లిదండ్రుల బాధ వర్ణణాతీతం
13 నెలల చిన్నారి ఖాన్సాకు తల్లిదండ్రులు ఎటువంటి కష్టం రాకుండా పెంచుకున్నారు. చిన్నపాటి అనారోగ్యంగా ఉండటంతో చిలకలూరిపేట ఆసుపత్రిలో చూపించుకున్నారు. తిరిగి వస్తుండగా గ్రానైట్ లారీ ఢీకొట్టడంతో చిన్నారి అక్కడికక్కడే మృతి చెందింది. తమ కళ్లెదుటే, చేతుల్లోనే చిన్నారి మృతి చెందడంతో వారు శోకసంద్రంలో మునిగిపోయారు. ఈ ఘటన బల్లికురవ మండలంలోని వేమవరంలో ఆదివారం జరిగింది. వీరిది సంతమాగులూరు మండలం కొప్పరం గ్రామం.
News December 2, 2024
‘ఒంగోలులో అండర్ గ్రౌండ్ డ్రైనేజ్ ఏర్పాటు చేయాలి’
ఒంగోలు నగరంలో అండర్ గ్రౌండ్ డ్రైనేజ్ ఏర్పాటుకు రూ.700 కోట్లు కేటాయించాలని సీపీఎం నగర కార్యదర్శి శ్రీనివాసరావు అన్నారు. ఆదివారం సీపీఐ కార్యాలయంలో మాట్లాడుతూ.. వర్షం వస్తే మురుగు కాలువలు పొంగి రోడ్ల మీదకు చేరుతుందన్నారు. ఈ సమస్యకు పరిష్కారం అండర్ గ్రౌండ్ డ్రైనేజ్ నిర్మాణమేనని చెప్పారు. కార్యక్రమంలో సీపీఎం నేత రమేశ్ పాల్గొన్నారు.