News October 24, 2024

దానా తుపాన్.. అన్నదాత గుండెల్లో గుబులు

జిల్లాకు తుపాన్ ముప్పు పొంచి ఉందని వాతావరణ శాఖ హెచ్చరికల నేపథ్యంలో రైతులు ఆందోళన చెందుతున్నారు. ఆరుగాలం శ్రమించి పండించిన పంట మరి కొద్ది రోజుల్లో చేతికి వస్తుండగా.. ఈదురుగాళ్లు ఏం చేస్తాయో అని విచారం వ్యక్తం చేస్తున్నారు. అధిక వడ్డీలతో రుణాలు తీసుకొచ్చి పంటపై పెట్టుబడి పెట్టామని కన్నీటి పర్యంతమవుతున్నారు. తుపాన్ ప్రభావంతో ఇప్పటికే వాతావరణం ఒక్కసారిగా చల్లబడి వర్ష సూచన కనిపిస్తోంది.