News February 13, 2025

దామరగిద్ద: అర్ధరాత్రి దొంగల బీభత్సం

దామరగిద్ద మండలం ఉల్లిగుండం గ్రామంలో దొంగలు బీభత్సం సృష్టించారు. గ్రామంలోని సి. వెంకటప్ప ఇల్లు తాళం పగలగొట్టి ఇంట్లో బీరువా ధ్వంసం చేసి రూ. లక్ష నగదు, తులం బంగారం ఎత్తుకెళ్లారు. అనంతరం పక్కనే ఉన్న మరో ఇంటి తాళాలు పగలకొడుతుండగా స్థానికులు అప్రమత్తమై కేకలు వేస్తూ వెంబడించారు. దీంతో దుండగులు బైక్‌ను వదిలి పారిపోయినట్లు గ్రామస్థులు తెలిపారు. పోలీసులు ఘటనా స్థలాన్ని పరిశీలించి విచారణ చేపట్టారు.