News February 13, 2025
దామరగిద్ద: అర్ధరాత్రి దొంగల బీభత్సం
దామరగిద్ద మండలం ఉల్లిగుండం గ్రామంలో దొంగలు బీభత్సం సృష్టించారు. గ్రామంలోని సి. వెంకటప్ప ఇల్లు తాళం పగలగొట్టి ఇంట్లో బీరువా ధ్వంసం చేసి రూ. లక్ష నగదు, తులం బంగారం ఎత్తుకెళ్లారు. అనంతరం పక్కనే ఉన్న మరో ఇంటి తాళాలు పగలకొడుతుండగా స్థానికులు అప్రమత్తమై కేకలు వేస్తూ వెంబడించారు. దీంతో దుండగులు బైక్‌ను వదిలి పారిపోయినట్లు గ్రామస్థులు తెలిపారు. పోలీసులు ఘటనా స్థలాన్ని పరిశీలించి విచారణ చేపట్టారు.
Similar News
News November 27, 2025
జిల్లాలో నేటి నుంచి తొలి విడత నామినేషన్ల స్వీకరణ
రాజన్న సిరిసిల్ల జిల్లాలో పంచాయతీ ఎన్నికల తొలి విడత నామినేషన్ల స్వీకరణ ఇవాళ్టి నుంచి 29వ తేదీ వరకు కొనసాగనుంది. వేములవాడ అర్బన్, వేములవాడ రూరల్, కోనరావుపేట, చందుర్తి, రుద్రంగి మండలాల్లోని 85 సర్పంచ్ స్థానాలు, 748 వార్డు సభ్యుల స్థానాలకు ఎన్నికలు నిర్వహించనున్నారు. తొలివిడత నామినేషన్ల స్వీకరణకు అధికారులు ఏర్పాట్లు పూర్తి చేశారు.
News November 27, 2025
జనగామ: నేడు మొదటి విడత జీపీ ఎన్నికల నామినేషన్లు
గ్రామ పంచాయతీ ఎన్నికల్లో భాగంగా మొదటి విడత నామినేషన్లను ఈరోజు ఉ.10 నుంచి సా.5 గం.ల వరకు అధికారులు స్వీకరించనున్నారు. మొదటి విడతలో జనగామ జిల్లాలో చిల్పూర్, స్టేషన్ ఘనపూర్, రఘునాథపల్లి, లింగాల ఘనపూర్, జఫర్గడ్ మండలంలోని 110 గ్రామపంచాయతీలు, 1024 వార్డు స్థానాలకు ఎన్నికలు జరగనున్నాయి. ఇప్పటికే దీనికి సంబంధించిన ఏర్పాట్లను అధికారులు పూర్తి చేశారు.
News November 27, 2025
రాజ్యాంగంలోని ప్రాథమిక విధులివే..
ప్రాథమిక హక్కులను అనుభవిస్తున్న పౌరులు విధులనూ నిర్వర్తించాలని రాజ్యాంగదినోత్సవంలో నాయకులంతా పిలుపునిచ్చారు. రాజ్యాంగంలోని IV-A భాగంలో 51-Aలో ఉన్న 11 ప్రాథమిక విధులు క్లుప్తంగా.. రాజ్యాంగ సంస్థలు, పతాకం, గీతం, సమరయోధులు, దేశ సార్వభౌమత్వాన్ని గౌరవించాలి. దేశ రక్షణకు సిద్ధంగా ఉండాలి. కుల, మత, ప్రాంత, లింగ విభేదాలకు అతీతంగా ఉండాలి. పర్యావరణం, ప్రభుత్వ ఆస్తులను కాపాడాలి. పిల్లలకు విద్యను అందించాలి.