News January 22, 2025
దావోస్లో మంత్రి శ్రీధర్ బాబు కీలక ప్రసంగం
దావోస్లో జరుగుతున్న WEF2025లో CII మరియు PWC బ్రేక్ఫాస్ట్ ఇంటరాక్షన్ సందర్భంగా మంథని MLA, మంత్రి శ్రీధర్ బాబు కీలక ప్రసంగం చేశారు. తెలంగాణలో అత్యాధునిక టెక్నాలజీలపై దృష్టి పెట్టామన్నారు. నూతనంగా యంగ్ ఇండియా స్కిల్ యూనివర్సిటీ, BFSI కన్సార్టియం, ఎక్స్లెన్స్ సెంటర్లు, అడ్వాన్స్ టెక్నాలజీ సెంటర్లు ఏర్పాటు చేస్తున్నట్లు వివరించారు. కార్యక్రమంలో ఆయనతో పాటు తెలంగాణ ఐటీ కార్యదర్శి జయేశ్ రంజన్ ఉన్నారు.
Similar News
News December 6, 2025
కృష్ణా: వర్క్ ఫ్రమ్ హోమ్ పరీక్షలపై అవగాహన కల్పించరా.?
ఉమ్మడి కృష్ణా జిల్లాలో నిరుద్యోగులకు వర్క్ ఫ్రం హోం ఉద్యోగాల కోసం అన్ని సచివాలయాల్లో ఆన్లైన్ పరీక్షలు నిర్వహిస్తున్నారు. DEC 2-6 మధ్య తొలివిడత పరీక్షలు జరుగుతుండగా, ఎన్టీఆర్ జిల్లాలో 84 వేలు, కృష్ణాలో 50 వేల మంది అర్హులున్నారు. అయితే కొందరు నిరుద్యోగులు తమకు సమాచారం లేదని వాపోతున్నారు. అధికారులు అవగాహన కల్పించాలని కోరుతున్నారు. ఈ పరీక్షల్లో ఉత్తీర్ణత సాధించిన వారికి కంపెనీలు జాబ్స్ ఇవ్వనున్నాయి.
News December 6, 2025
కొర్రగుంటపాలెం పంచాయతీ కార్యదర్శిపై DLPO విచారణ
ముదినేపల్లి మండలం కొర్రగుంటపాలెం పంచాయతీ కార్యదర్శి జె.గిరిజ 15వ ఆర్ధిక సంఘం నిధులు దుర్వినియోగం చేసినట్లు గ్రామస్తులు చంద్రకాంత్.. కలెక్టర్కు చేసిన ఫిర్యాదుపై శుక్రవారం విచారణ చేపట్టారు. DLPO అమ్మాజీ పంచాయతీ కార్యాలయంలో విచారణ నిర్వహించి వివరాలు సేకరించారు. కార్యదర్శి గిరిజ తనకు అనుకూలమైన వారిని వెండర్లుగా సృష్టించి ఆర్ధిక సంఘం నిధులను దుర్వినియోగం చేసినట్లు చంద్రకాంత్ DLPOకు తెలిపారు.
News December 6, 2025
టర్కీ కోళ్ల రకాలు – ప్రత్యేకతలు
☛ బ్రాడ్ బ్రెస్టెడ్ బ్రాంజ్: ఈ టర్కీ కోళ్ల ఈకలు నల్లగా ఉండి తోక చివరి భాగంలో మాత్రం తెల్ల రంగులో ఉంటాయి.
☛ బ్రాడ్ బ్రెస్టెడ్ లార్జ్ వైట్: ఈ తెలుపు రంగు టర్కీలు భారతదేశ వాతావరణ పరిస్థితులకు అనుకూలంగా ఉంటాయి. ఇవి వేడిని తట్టుకోగలవు. డ్రెస్సింగ్ తర్వాత శుభ్రంగా కనిపిస్తాయి.
☛ బెల్టస్విల్లే స్మాల్ వైట్: ఈ రకం టర్కీ కోళ్లకు గుడ్ల ఉత్పత్తి, గుడ్డు పొదిగే సామర్థ్యం ఎక్కువగా ఉంటుంది.