News April 15, 2025
దిలావర్పూర్: రోడ్డుప్రమాదంలో ఒకరు మృతి
యాక్సిడెంట్‌లో ఒకరు మృతి చెందగా మరొకరు తీవ్రంగా గాయపడ్డ ఘటన మంగళవారం దిలావర్పూర్ మండలంలో జరిగింది. స్థానికుల కథనం ప్రకారం.. నిర్మల్ భైంసా హైవేపై సిర్గాపూర్ వద్ద బైంసా వైపు నుంచి బైక్‌పై వస్తున్న ఇద్దరు మేస్త్రీలను గుర్తు తెలియని వాహనం ఢీకొట్టడంతో ఒకరు అక్కడికక్కడే మృతి చెందారు. మరొకరికి తీవ్ర గాయాలయ్యాయని తెలిపారు. అక్కడకు చేరుకున్న పోలీసులు కేసు దర్యాప్తు చేస్తున్నారు. వివరాలు తెలియాల్సి ఉంది.
Similar News
News November 30, 2025
HYD: మీ ఇంటి గోడపై మార్క్ ఉందా? GHMC తాజా రూల్!
గ్రేటర్ హైదరాబాద్ మున్సిపల్ కార్పొరేషన్ (GHMC) అధికారిక చెత్త సేకరణ సేవలను వినియోగించే ఇళ్ళు/అపార్ట్‌మెంట్‌లను గుర్తించడానికి వాటి గోడలపై ప్రత్యేక గుర్తులు వేసింది. ఈ అధికారిక కలెక్టర్ల ద్వారా తమ చెత్తను పారవేయని వారికి జరిమానాలు విధించబడతాయి. ట్రాకింగ్ విధానం పూర్తిగా స్పష్టంగా లేనప్పటికీ, పారిశుద్ధ్యాన్ని మెరుగుపరచడానికి GHMC తీసుకున్న ఈ నిర్ణయం మంచి ముందడుగుగా పరిగణించబడుతోంది.
News November 30, 2025
ఢిల్లీలో తగ్గుముఖం పట్టిన కాలుష్యం.. AQI 269గా నమోదు
ఢిల్లీలో యావరేజ్ AQI ఆదివారం 269కి చేరింది. శనివారం సాయంత్రం 4 గంటలకు AQI 305 ఉన్నట్టు అధికారులు అంచనా వేశారు. నిన్నటి కంటే AQI కాస్త మెరుగుపడినప్పటికీ, కాలుష్యాన్ని అరికట్టే చర్యలను కొనసాగిస్తామన్నారు. షాదీపూర్‌లో అత్యధికంగా AQI 335 వద్ద, మందిర్ మార్గ్ వద్ద అత్యల్పంగా 158గా రికార్డైంది. ఈ సంక్షోభాన్ని ఎదుర్కోవడంలో సర్కార్ విఫలమైందని కాంగ్రెస్ సీనియర్ నేత సందీప్ దీక్షిత్ విమర్మించారు.
News November 30, 2025
KNR: ముగిసిన మొదటి విడత సర్పంచ్ ఎన్నికల నామినేషన్
కరీంనగర్ జిల్లాలో మొదటి విడత గ్రామపంచాయతీ సర్పంచ్ ఎన్నికల నామినేషన్ ప్రక్రియ శనివారం ముగిసింది. సర్పంచ్ స్థానాలకు 739 నామినేషన్లు దాఖలు అయినట్లు అధికారులు తెలిపారు. చొప్పదండి 124 , గంగాధర 266, రామడుగు 172, కరీంనగర్ రూరల్ 100, కొత్తపల్లి 68 మండలాల్లోని గ్రామాలలో సర్పంచ్ ఎన్నికల నామినేషన్లు దాఖలయ్యాయి. 92 గ్రామాలలో 866 వార్డులు ఉండగా, 2174 నామినేషన్లు వచ్చినట్లు తెలిపారు.