News March 19, 2025

దిల్‌సుఖ్‌నగర్‌లో వ్యభిచారం.. నాగమణి దొరికిందిలా! (UPDATE)

image

దిల్‌సుఖ్‌నగర్‌లో వ్యభిచారం నిర్వహిస్తున్న నాగమణిని పోలీసులు అరెస్ట్ చేసిన సంగతి తెలిసిందే. డెకాయ్ ఆపరేషన్ చేసి నిందితురాలిని పట్టుకున్నట్లు పోలీసులు తెలిపారు. ‘హలో నాగమణి’ అంటూ వాట్సాప్‌లో విటుల వలే మెసేజ్ చేయడంతో ఆమె దిల్‌సుఖ్‌నగర్‌కు అమ్మాయిని తీసుకొచ్చింది. ఇద్దరిని పోలీసులు అదుపులోకి తీసుకున్నారు. అమీర్‌పేట వాసి నాగమణి సినిమా అవకాశం అంటూ యువతులను వ్యభిచారంలోకి దింపుతున్నట్లు తేల్చారు.

Similar News

News November 29, 2025

HYD: సజ్జనార్ మార్క్.. కీలక కేసుల విచారణ కోసం CIT

image

HYD నగర వ్యాప్తంగా అనేక నేరాలు జరుగుతుంటాయి. అందులో కీలక నేరాలు ప్రధానం. వీటిని స్థానిక పోలీసులు విచారణ చేయాలంటే ఇతర కేసులు అడ్డొస్తాయి. అందుకే ఈ కేసుల విచారణకు ప్రత్యేకంగా ఓ టీమ్ ఏర్పాటు చేయాలని సిటీ పోలీస్ కమిషనర్ సజ్జనార్ నిర్ణయించారు. సెంట్రల్ ఇన్వెస్టిగేషన్ టీమ్ (CIT) ప్రత్యేకంగా ఓ వ్యవస్థను ఏర్పాటు చేసి కీలక కేసులు అప్పగించనున్నారు. పోలీసు అధికారులతో జరిగిన సమీక్షలో సీపీ వెల్లడించారు.

News November 29, 2025

బొల్లారంలో ఈ సందడి ఇక రెండు రోజులు మాత్రమే

image

భారతీయ కళా మహోత్సవ్ పేరిట బొల్లారంలోని రాష్ట్రపతి నిలయంలో నిర్వహిస్తున్న వేడుకలకు నగర వాసుల నుంచి అనూహ్య స్పందన లభిస్తోంది. కళామహోత్సవాన్ని సందర్శించడంతో పాటు అక్కడ ఏర్పాటు చేసిన వివిధ స్టాల్స్‌లో దాదాపు రూ.2కోట్ల విలువైన వస్తువులను కొనుగోలు చేశారు. ఈ ఉత్సవం రేపటితో ముగియనుంది. ఇప్పటి వరకు దాదాపు లక్ష మంది వచ్చారని నిర్వాహకులు తెలిపారు.

News November 29, 2025

HYD: డిసెంబర్ 2న కొత్త అధ్యక్షుల ప్రమాణ స్వీకారం

image

టీపీసీసీ ఇటీవల ఎంపిక చేసిన కాంగ్రెస్ పార్టీ కొత్త జిల్లా అధ్యక్షుల ప్రమాణ స్వీకారం వచ్చేనెల 2న (మంగళవారం) నిర్వహించేందుకు గాంధీ భవన్‌లో ఏర్పాట్లు జరుగుతున్నాయి. ఈ నేపథ్యంలో ప్రమాణ స్వీకారోత్సవానికి హాజరుకావాలని టీపీసీసీ చీఫ్ మహేష్ కుమార్ గౌడ్ సీఎం రేవంత్ రెడ్డిని ఆహ్వానించారు. ఇదిలా ఉండగా డీసీసీ అధ్యక్షుల ఎంపికలో కొందరు మంత్రులు అసంతృప్తి వ్యక్తం చేసిన విషయంపై రేవంత్ ఆరా తీసినట్లు సమాచారం.