News April 7, 2025
ధరూర్: రెండు బైక్‌లు ఢీ ఓ వ్యక్తి మృతి
రెండు ద్విచక్ర వాహనాలు ఢీకొని వ్యక్తి మృతి చెందాడు. పోలీసుల వివరాల ప్రకారం ధరూర్ మండలం రుద్రారం గ్రామానికి చెందిన కంది శ్రీనివాస్ ఎబ్బనూరు నుంచి వికారాబాద్ వైపు వెళ్తున్నాడు. అదే సమయంలో నర్సింహులు వికారాబాద్ నుంచి చింతకింది వెళ్తుండగా రెండు బైకులు ఢీకొన్నాయి. నర్సింహులుకు తీవ్ర గాయాలు కాగ శ్రీనివాస్ మృతి చెందారు.
Similar News
News November 30, 2025
ములుగు: దామోదర్ ఎక్కడ?
మావోయిస్టు పార్టీ కీలక నేత, తెలంగాణ రాష్ట్ర కార్యదర్శి ములుగు జిల్లా కాల్వపల్లికి చెందిన దామోదర్ ఎక్కడున్నాడనే సందిగ్ధం నెలకొంది. కేంద్ర కమిటీ సభ్యుల లొంగుబాట్లు, హిడ్మా ఎన్‌కౌంటర్, ప్రస్తుత కేంద్ర కమిటీ కార్యదర్శి తిప్పిరి తిరుపతి లొంగుబాటుతో ఛత్తీస్‌గఢ్ దండకారణ్యం ఖాళీ అవుతోంది. ఈ క్రమంలో దామోదర్ ఎక్కడున్నాడనే ప్రశ్నలు తలెత్తుతున్నాయి. కాగా, దామోదర్ లొంగిపోయేందుకు సిద్ధంగా ఉన్నట్లు సమాచారం.
News November 30, 2025
NGKL: వార్డు సభ్యుని నుంచి ఎమ్మెల్యేగా ఎడ్మ ప్రస్థానం
కల్వకుర్తి మండలానికి చెందిన ఎడ్మ కిష్టారెడ్డి రాజకీయ ప్రస్థానం వార్డు సభ్యునిగా, సర్పంచ్‌గా ప్రారంభించారు. ఆయన 1986లో తెలుగుదేశం పార్టీ మండల అధ్యక్షునిగా ఎన్నికయ్యారు. 1994 నుంచి 1999 వరకు కల్వకుర్తి ఎమ్మెల్యేగా గెలుపొందారు. తర్వాత ఓటమి పాలయ్యారు. 2018 జూన్‌లో బీఆర్‌ఎస్‌లో చేరిన ఆయన, అనారోగ్యంతో 2020లో మృతి చెందారు.
News November 30, 2025
HYD: ఈ జోన్లలోకి రానున్న మున్సిపాలిటీలు
నగర శివారులోని 20 పురపాలికలు, 7 నగరపాలక సంస్థలు GHMCలో విలీనం అవుతుండటంతో మున్సిపల్ కార్యాలయాలు ఇక GHMC సర్కిల్ కార్యాలయాలుగా రూపాంతరం చందనున్నాయి. ఆర్డినెన్స్, జీవోల ద్వారా ప్రభుత్వం విలీనం ప్రకటించగానే పురపాలికలు సర్కిళ్లుగా మారి దగ్గరలోని సంబంధిత జోన్ల పరిధిలో రానున్నాయి. ఎల్బీనగర్ జోన్‌లోకి ఆదిభట్ల, మీర్‌పేట్, బడంగ్‌పేట్, తుర్కయంజాల్, పెద్దఅంబర్‌పేట్, పీర్జాదిగూడ, పోచారం, ఘట్కేసర్ రానున్నాయి.