News April 8, 2025
ధర్మపురి: గోదావరిలో దూకి వ్యక్తి ఆత్మహత్య
ధర్మపురి మండలంలోని రాయపట్నం గోదావరిలో దూకి హషాం అహ్మద్(45) ఆత్మహత్య చేసుకున్నట్లు ఎస్సై ఉదయ్ కుమార్ తెలిపారు. మంచిర్యాల జిల్లా మందమర్రి పట్టణానికి చెందిన అహ్మద్ కొంతకాలం నుంచి ఫైనాన్స్ విషయంపై బాధపడుతున్నాడన్నారు. ఉదయం రాయపట్నం గోదావరిలో మృతదేహం కనిపించగా తండ్రి మహమ్మద్ అలీకి అహ్మద్ ఆచూకీ తెలిపామని ఎస్సై వివరించారు. పోస్టుమార్టం నిమిత్తం మృతదేహాన్ని JGTL ఏరియా ఆసుపత్రికి తరలించారు.
Similar News
News November 29, 2025
దిత్వా తుఫాన్.. రైతులకు సూచన
తెలుగు రాష్ట్రాల్లో వరి కోతలు జోరందుకున్నాయి. అయితే దిత్వా తుఫాను కారణంగా AP, తెలంగాణలోని కొన్ని జిల్లాల్లో మోస్తరు నుంచి భారీ వర్షాలు కురిసే అవకాశం ఉందని వాతావరణశాఖ హెచ్చరించింది. ఈ తరుణంలో కోత పూర్తైన వరి పంటను/ధాన్యాన్ని రైతులు సురక్షిత ప్రాంతాలకు తరలించాలి. ధాన్యాన్ని కుప్పలుగా పోసి టార్పాలిన్ కప్పాలి. ఒకవేళ వానకు ధాన్యం తడిస్తే రంగు మారకుండా, మొలకెత్తకుండా నిపుణుల సూచనలు పాటించడం మంచిది.
News November 29, 2025
పల్నాడు: బస్సు ఎక్కుతున్నారా..? ఇవి తెలుసుకోండి..!
గత కొంతకాలంగా రాష్ట్రవ్యాప్తంగా అనేక చోట్ల బస్సు బస్సు ప్రమాదాలు జరిగి పలువురు ప్రాణాలు కోల్పోతున్నారు. ఇందులో ఒక ప్రధాన కారణం ప్రమాదం జరిగినప్పుడు ఎలా బయటపడాలో ప్రయాణికులకు అవగాహన లేకపోవడం. RTC, ప్రైవేటు, స్కూల్ బస్సులలో తప్పక అగ్నిమాపక పరికరం ఉంచడంతో పాటు, బయలుదేరే ముందు ప్రయాణికులకు అత్యవసర ద్వారంపై అవగాహన కల్పించే విధంగా అధికారులు చర్యలు తీసుకుంటే ప్రమాద తీవ్రత తగ్గే అవకాశం ఉంది.
News November 29, 2025
గుర్రంకొండ: ‘భూమిలో ప్రభుత్వ బోర్డు పెట్టారని విషం తాగాడు’
గుర్రంకొండలోని పసలవాళ్లపల్లికి చెందిన వెంకటరమణారెడ్డి పురుగు మందు తాగి ఆత్మహత్యాయత్నానికి పాల్పడ్డాడు. తాను సాగు చేస్తున్న భూమిలో రెవెన్యూ అధికారులు ప్రభుత్వ భూమిగా హెచ్చరిక బోర్డు నాటారని మనస్థాపం చెందాడు. పొలంలోనే పురుగు మందు తాగి అపస్మారక స్థితిలోకి చేరుకున్నాడు. గమనించిన కుటుంబ సభ్యులు పరిస్థితి విషమంగా ఉండటంతో మదనపల్లి ప్రభుత్వాసుపత్రికి తరలించి చికిత్స అందిస్తున్నారు.