News February 8, 2025
ధర్మపురి: బావిలో వ్యక్తి మృతదేహం లభ్యం
జగిత్యాల జిల్లా ధర్మపురి పట్టణ శివార్లలో వాగు వద్ద గల బావిలో ఓ వ్యక్తి మృతదేహం శుక్రవారం రాత్రి లభ్యమైంది. స్థానికులు తెలిపిన వివరాల ప్రకారం.. బహిర్భూమి కోసం వచ్చి ప్రమాదవశాత్తు బావిలో పడి ఉంటాడని తెలుపుతున్నారు. స్థానికులు పోలీసులకు సమాచారం అందించారు. దీంతో ఘటనా స్థలానికి ఎస్‌ఐ ఉదయ్ వెళ్లి పరిశీలించారు. మృతుడు జగిత్యాలకు చెందిన ఎండీ హమీద్‌గా గుర్తించారు. పూర్తి వివరాలు తెలియాల్సి ఉంది.
Similar News
News March 27, 2025
ముందస్తు బెయిల్ పిటిషన్‌పై విచారణ వాయిదా
మాజీ మంత్రి విడదల రజిని ముందస్తు బెయిల్ పిటిషన్‌పై విచారణ వాయిదా పడింది. విచారణను ఏప్రిల్ 2వ తేదీకి ఏపీ హైకోర్టు వాయిదా వేసింది. ఈ మేరకు గురువారం హైకోర్టులో వాదనలు జరిగాయి. కాగా ఏసీబీ అధికారులు నమోదు చేసిన కేసులో ముందస్తు బెయిల్‌కు మాజీ మంత్రి పిటిషన్ దాఖలు చేసిన విషయం తెలిసిందే.
News March 27, 2025
అనకాపల్లి: యాక్సిడెంట్ చేసిన కొడుకు.. తండ్రిపై కేసు
మైనర్లకు వాహనాలు ఇవ్వొద్దని పోలీసులు ఎంత మొత్తుకున్నా ప్రజలు పెడచెవిన పెడుతున్నారు. వారికి వాహనాలు ఇచ్చి పలు కుటుంబాల్లో విషాదం నింపడమే కాక.. వారు కూడా కేసుల్లో ఇరుక్కుంటున్నారు. అనకాపల్లి జిల్లాలో జరిగిన ఘటనే ఇందుకు ఉదాహరణ. ఈనెల22న చోడవరం మండలం గోవాడలో ఓ బాలుడు బైక్ నడిపి టీచర్‌తో పాటు ముగ్గురు విద్యార్థులను ఢీకొట్టాడు. దీంతో బాలుడి తండ్రిపై పోలీసులు బుధవారం కేసు నమోదు చేశారు.
News March 27, 2025
పాలమూరు: దంపతులు మృతి.. ఆ ఊరిలో విషాదం
రోడ్డు ప్రమాదంలో దంపతులు మృతిచెందడంతో నాగర్‌కర్నూల్ జిల్లా కల్వకుర్తి మండలం రఘుపతిపేట గ్రామంలో విషాద ఛాయలు అలుముకున్నాయి. గ్రామానికి చెందిన సక్కుబాయి(40), పాండు(45) రంగారెడ్డి జిల్లా షాద్‌నగర్ పరిధి కొత్తూరు మండలంలోని తిమ్మాపూర్ గ్రామ సమీపంలో జరిగిన రోడ్డుప్రమాదంలో మృతిచెందారు. వారికి ఇద్దరు కుమారులు, ఇద్దరు కూతుళ్లు ఉన్నారు. తల్లిదండ్రులను కోల్పోయి ఆ నలుగురు అనాథలుగా మారారు.