News November 14, 2024
నందలూరు: వర్రా, సజ్జల భార్గవ్‌పై మరో కేసు
నందలూరు పోలీస్ స్టేషన్‌లో వైసీపీ సోషల్ మీడియా యాక్టివిస్ట్ వర్రా రవీంద్రారెడ్డి, సజ్జల భార్గవ్ రెడ్డి, సిరిగిరి అర్జున్ రెడ్డిలపై ఎస్సీ, ఎస్టీ. ఐటీ చట్టాల కింద కేసు నమోదైంది. సోషల్ మీడియా వేదికగా నారా లోకేశ్, పవన్ కళ్యాణ్‌పై అనుచిత వ్యాఖ్యలు చేసినందుకు సిద్దవటం మండలానికి చెందిన వాకమల్ల వెంకటాద్రి ఫిర్యాదు మేరకు వీరిపై కేసు నమోదు చేశారు. ఇప్పటికే ఉమ్మడి కడప జిల్లాలో వీరిపై 20 కేసులు నమోదయ్యాయి.
Similar News
News November 15, 2024
కడప: సోషల్ మీడియా కార్యకర్తలకు అండగా టాస్క్ ఫోర్స్
అక్రమ నిర్భంధాలు, అరెస్టులకు గురవుతున్న సోషల్ మీడియా కార్యకర్తలకు అండగా ఉండేందుకు వైయస్ జగన్ ఆదేశాలతో కడప జిల్లా టాస్క్ ఫోర్స్ ప్రతినిధులుగా ఎమ్మెల్సీ రమేష్ యాదవ్, మేయర్ సురేశ్ బాబు గురువారం నియమితులయ్యారు. వారు మాట్లాడుతూ.. కార్యకర్తలకు న్యాయ, సహాయం కల్పించడంతో పాటు, వారికి భరోసా కల్పించడం, వారిని పరామర్శిస్తూ ఆత్మస్థైర్యాన్ని పెంచడం కోసం పార్టీ బృందాలు పని చేస్తాయన్నారు.
News November 15, 2024
పుష్పగిరి వద్ద పెన్నా నదిలో వ్యక్తి గల్లంతు
వల్లూరు మండలంలోని పుష్పగిరి పుణ్యక్షేత్రం వద్ద పెన్నా నదిలో దిగి గణేశ్ అనే వ్యక్తి గల్లంతయ్యాడు. కార్తీక పౌర్ణమి సందర్భంగా శుక్రవారం పుష్పగిరిలో పూజలు నిర్వహించడానికి కడప ఎన్జీవో కాలనీకి చెందిన గణేశ్ కుటుంబ సమేతంగా పుష్పగిరికి వచ్చి, నీటిలో దిగి గల్లంతైనట్లు సమాచారం. పోలీసులు గాలింపు చర్యలు చేపట్టారు. మరిన్ని వివరాలు తెలియాల్సి ఉంది.
News November 15, 2024
జమ్మలమడుగు: పుష్ప-2 క్రేజ్ మామూలుగా లేదుగా!
ఉమ్మడి అనంతపురం జిల్లాల్లో ‘పుష్ప-2’ మేనియా ఓ రేంజ్‌లో ఉంది. డిసెంబర్ 5న సినిమా రిలీజ్ కానుండగా ఎక్కడికక్కడ అల్లు అర్జున్ ఫ్యాన్స్ భారీ ఎత్తున సెలబ్రేషన్స్‌కు ప్లాన్ చేసుకుంటున్నారు. భారీ కటౌట్లు, ప్రత్యేక కార్యక్రమాలతో థియేటర్ల వద్ద హడావుడి చేసేందుకు రెడీ అవుతున్నారు. జమ్మలమడుగులో భారీ కటౌట్ ఏర్పాటు చేస్తున్నామని ఫ్యాన్స్ ప్రకటించారు. ట్రైలర్ రిలీజ్ ఈవెంట్‌ను ఘనంగా నిర్వహిస్తామని వెల్లడించారు.