News May 19, 2024

నంద్యాల: ఆ కళాశాలల వద్ద 144 సెక్షన్ అమలు

image

ఈవీఎం బాక్సులను భద్రపరిచిన ఆర్జీయం, శాంతిరామ్ ఇంజనీరింగ్, ఫార్మసీ కళాశాలల వద్ద 144 సెక్షన్ అమలులో ఉంటుందని జిల్లా కలెక్టర్ కె.శ్రీనివాసులు, జిల్లా ఎస్పీ కె.రఘువీర్ రెడ్డి తెలిపారు. శనివారం కళాశాలల్లో ఉంచిన ఈవీఎంల భద్రతా ఏర్పాట్లు పరిశీలించి సిబ్బందికి సూచనలు చేశారు. కౌంటింగ్ పూర్తయ్యేవరకు పటిష్ఠ భద్రత ఏర్పాటు చేశామన్నారు. జేసీ రాహుల్ కుమార్ రెడ్డి ఉన్నారు.

Similar News

News November 29, 2025

అభివృద్ధి పనుల్లో జాప్యం తగదు: మంత్రి టీజీ భరత్

image

కర్నూలు నగర అభివృద్ధి పనులు వేగవంతం చేయాలని గుత్తేదారులను మంత్రి టీజీ భరత్ ఆదేశించారు. టెండర్లు తీసుకున్నప్పటికీ పనులు ప్రారంభించని వారిపై చర్యలు తీసుకోవాలన్నారు. ఎస్బీఐ ఎంప్లాయీస్ కాలనీ నగరపాలక సమావేశ భవనంలో కమిషనర్ పి.విశ్వనాథ్‌తో కలిసి సమీక్షా నిర్వహించారు. పీపీపీ పద్ధతిలో ఎగ్జిబిషన్ గ్రౌండ్, సమ్మర్ స్టోరేజ్ ట్యాంకు సమీపంలోని 129 ఎకరాల అభివృద్ధి ప్రతిపాదనలపై పవర్ ప్రెజెంటేషన్ ఇచ్చారు.

News November 29, 2025

కోటేకల్ రోడ్డు ప్రమాదంపై సీఎం విచారం

image

కర్నూలు జిల్లా ఎమ్మిగనూరు మండలం కోటేకల్ వద్ద జరిగిన రోడ్డు ప్రమాదంలో <<18419151>>ఐదుగురు<<>> మరణించడంపై సీఎం చంద్రబాబు నాయుడు తీవ్ర విచారం వ్యక్తం చేశారు. మరణించిన కుటుంబాలకు సానుభూతి తెలిపారు. గాయపడిన వారికి అత్యవసర వైద్య సేవలు అందించాలని అధికారులను ఆదేశించారు. బాధిత కుటుంబాలకు ప్రభుత్వం అన్నివిధాలా అండగా ఉంటుందని ఆయన భరోసా ఇచ్చారు.

News November 29, 2025

సంక్షేమ హాస్టళ్ల నిర్వహణలో నిర్లక్ష్యం సహించం: కలెక్టర్

image

జిల్లాలోని సంక్షేమ హాస్టళ్లు, రెసిడెన్షియల్ స్కూళ్లను సక్రమంగా నిర్వహించాలని కలెక్టర్ డా. ఏ. సిరి అధికారులను ఆదేశించారు. శుక్రవారం టెలికాన్ఫరెన్స్‌లో ఆమె మాట్లాడుతూ.. ఏ విద్యార్థి ఇబ్బంది పడకుండా చూడాలన్నారు. హాస్టళ్లలో పరిశుభ్రత, వంటగది హైజీన్‌పై ప్రత్యేక దృష్టి పెట్టాలని సూచించారు. తాజా కూరగాయలతో వేడి భోజనం అందించాలని, తాగునీటి ట్యాంకులను శుభ్రంగా ఉంచాలని హెచ్చరించారు.