News November 15, 2024

నటుడు పోసాని కృష్ణ మురళీపై కేసు నమోదు

నటుడు పోసాని కృష్ణ మురళీపై పల్నాడు జిల్లా నరసరావుపేట పోలీస్ స్టేషన్‌లో కేసు నమోదైంది. డిప్యూటీ సీఎం పవన్ కళ్యాణ్, మంత్రి నారా లోకేశ్‌పై ఆయన అనుచిత వ్యాఖ్యలు చేశారని టీడీపీ నేతలు ఫిర్యాదు చేశారు. ఆయనపై చట్టపరమైన చర్యలు తీసుకోవాలని కోరారు. దీంతో పోసానిపై కేసు నమోదు చేసినట్లు సీఐ హైమారావు తెలిపారు. బాపట్లలోనూ కేసు నమోదైనట్లు తెలుస్తోంది. పలు స్టేషన్లలోనూ పోసానిపై ఫిర్యాదులు నమోదయ్యాయి.